Ձեր վստահելի աղբյուրը

Շիրակի մարզում ոռոգման ջրի համար ծեծկռտուքներ կան: Այսօր լրագրողների հետ հանդիպման ժամանակ այս մասին հայտարարեց «Ագրարագյուղացիական միավորում» ՀԿ նախագահ Հրաչ Բերբերյանը, ով մի քանի օր առաջ է եղել մարզում, տեսել երկար ժամանակ չջրվելուց ճաքճքած հողեր:

«Փառք Աստծո, երեկ չէ առաջին օրը մի քիչ անձրև եկավ Շիրակում, մի քիչ մեղմացրեց վիճակը, ինչևիցե, ամեն տարի մենք ունենում ենք ոռոգման ջրի պրոբլեմ, ինչն իր հերթին բերում է բերքատվության անկման»,- ասաց Բերբերյանը:

ՀԿ նախագահը հիշեցրեց, որ հանրապետության Նախագահ Սերժ Սարգսյանը հստակ խոսել է ոռոգման համակարգի բարեփոխումների մասին:

«Մենք երբեք ՋՕԸ-երին դեմ չենք եղել, առաջարկում ենք, Ջրային կոմիտեին, որ կոպերատիվների նախագահները, խոշոր ֆերմերները, որոնք ցանկություն ունեն ջրառի հետ պայմանագիր կնքել, շրջանցելով ՋՕԸ-երին, ինչո՞ւ են մերժվում»,- հարցրեց Բերբերյանը՝ պնդելով, որ համայնքի սեփականությունը պետք է վերադարձվի համայնքին:

Նրա խոսքով՝ համակարգում պետք է մրցակցություն ստեղծվի, մինչդեռ հիմա ՋՕԸ-երը ջուրը գնում են 4 դրամով, իսկ գյուղացուն վաճառքում 11 դրամով:

«Գյուղացու վրա մի քանի անգամ են հաշվում, մեկ ոռոգումը 17 հազար դրամ, իսկ իրականում պետք է լիներ 8-10 հազար դրամ, գյուղացիների թալան է գնում»,- ասաց Բերբերյանը:

Մանրամասները` տեսանյութում:

Նախորոդող հրապարակում` Հ. Բերբերյան. Չար լեզուները փորձում են բարձր ինքնարժեք ցույց տալ, որպեսզի իրենց դիրքերը պահպանեն