Ձեր վստահելի աղբյուրը

Հրաչյա Հարությունյանի որդին բանակում չի զոհվել: Այս մասին Panoram.am-ին հայտնեց Պաշտպանության նախարարի մամուլի խոսնակ Արծրուն Հովհաննիսյանը:

Նշենք, որ տարածված լուրերի համաձայն՝ Նոր Մոսկվայում խոշոր վթարի մասնակից դարձած «Կամազ»-ի վարորդ Հրաչյա Հարությունյանի որդին 21 տարեկան հասակում մահացել է բանակում:

News.am-ի հետ զրույցում հարազատները պատմել են, որ Հրաչյա Հարությունյանը ունի երկու եղբայր եւ մեկ քույր: Բանակից գալուց հետո նրա որդու մոտ հայտնաբերվել էր ուռուցք, վիրահատել էին, սակայն նա մահացել էր հենց ծննդյան նախորդ օրը:

Հարազատները նշեցին, որ երեխայի մոտ ուռուցքը առաջացել էր բանակում` հարվածի հետևանքով, բայց քանի որ Հրաչյա Հարությունյանը մասնակցել էր արցախյան ազատամարտին, չի գնացել և բողոքել որևէ ատյանում: Երևանում նրան սպասում էին դուստրը, կինը, տարեց հայրը, մայրը:

Հիշեցնենք, որ վթարը տեղի է ունեցել հուլիսի 13-ին: Բեռնատարը բախվել է ավտոբուսին, որը բաժանվել է մասերի: 18 մարդ է զոհվել, ավելի քանը 47-ը ստացել են տարբեր աստիճանի մարմնական վնասվածքներ

Նախորոդղ հրապարակումներ`

Վթար` «ձեռքի սարքած» «Կամազով»

ԱԳՆ. Քննիչների փոխանցմամբ, Հրաչյա Հարությունյանը հագուստի կարիք չունի

Դեսպանատան մամուլի խոսնակ. Դեսպանին մի անհանգստացրեք, հայտարարությունը կլինի մեկ ժամից