Ձեր վստահելի աղբյուրը

Վարչապետ Տիգրան Սարգսյանը երեկ ստորագրել է Հայաստանյան օդուղիների շահագործման թույլտվությունների մրցույթի հայեցակարգը: Այս մասին Panorama.am-ին հայտնեց վարչապետի մամուլի քարտուղար Հարություն Կբեյանը, ավելացնելով, որ դրա մասին տեղեկատվությունը կհրապարակվի այսօր:

Հայցակարգը կառավարության հավանությանն էր արժանացել հունիսի 6-ի նիստում: Փաստաթուղթը, հիշեցնենք, ենթադրում է մրցույթի միջոցով երեք հայկական ավիափոխադրողների ընտրություն: Ավիափոխադրողները պետք է ունենան հայաստանյան գրանցում: Կառավարությունում հույս ունեն, որ այսպիսով կարող են հասնել մրցակցային դաշտի ձևավորմանը:

Ինչպես տեղականում ենք Քաղաքացիական ավիացիայի գլխավոր վարչության պաշտոնական էջից, այս պահին ՀՀ գրանցում ունեցող օդանավ շահագործող 10 ընկերություն կա: Դրանք են`
1. «Ատլանտա Յուրոփիան Էյուեյս» ՍՊԸ
2. «Սաութ Էըրլայնզ» ՍՊԸ
3. «Հայք Ավիա» ավիաընկերություն ՓԲԸ
4. «Էյր Արմենիա» ՓԲԸ
5. «Ռիլայըբլ յունիք սերվիսիզ ավիեյշն» ՍՊԸ 6. «Տարոն-Ավիա» ՍՊԸ
7. «Արկ-Էյրվեյզ» ՍՊԸ
8. «Վետերան Ավիա» ՍՊԸ
9. «Սկիվա Էյր» ՍՊԸ
10. «Սկայ Նետ Էյրլայնս» ՍՊԸ:

Հիշեցնենք, որ մինչ այս ազգային ավիափոխադրող համարվող «Արմավիա» ընկերությունն այս տարվա մարտի 29-ից դադարեցրել է չվերթները, հայտարարել սնանկության գործընթաց սկսելու մասին, սակայն դատարան չի դիմել, փոխարենը Հանրային խորհրդին ներկայացրել է առողջացման ծրագիր` ակնկալելով հարկային ու այլ արտոնությունների տրամադրում:

Նախորդող հրապարակումներ`
Հաստատվեց օդային փոխադրումների բնագավառի փուլային ազատականացման ռազմավարությունը

Արտյոմ Մովսեսյան. «Հայաստանում այսօր կան ավիափոխադրողներ, որոնք ավելի լավ ծառայություններ կարող են մատուցել քաղաքացիներին»

ՔԱԳՎ. Ակնկալվում է, որ մրցույթը կհայտարարվի հաջորդ շաբաթ