Ձեր վստահելի աղբյուրը

Էրդողանը սպառնում է դատի տալ բրիտանական հայտնի «The Times» պարբերականին: Այս մասին տեղեկացնում է «Բի-Բի-Սի» լրատվական գործակալությունը:

Թուրքիայի վարչապետը նշել է, որ «The Times» պարբերականը իր էջերը փողի դիմաց վաճառում է:

«Եթե նրանք իրականում հավատում են ժողովրդավարությանը, նրանք չեն կարող այն առաջնորդին, ով ընտրությունների ժամանակ ստացել է ձայների 50%-ը, անվանել դիկտատոր»,- հայտարարել է Էրդողանը:

Նշենք, որ բրիտանական հայտնի «The Times» պարբերականում անվանի շատ գործիչներ հանդես են եկել Թուրքիայի վարչապետ Ռեջեփ Թայիփ Էրդողանի վարած քաղաքականության քննադատությամբ:

Շուրջ 30 գործչի ստորագրությունը կրող բաց նամակում գործիչները հիշեցրել են, որ Թուրքիան Եվրոպայի խորհրդի անդամ է և կողմ է արտահայտվել Մարդու իրավունքների եվրոպական կոնվենցիային:

Նրանք անընդունելի են համարել Թուրքիայի վարչապետի կողմից բողոքի ակցիայի մասնակիցներին «թալանչիներ», «խուլիգաններ» անվանելը: