Ձեր վստահելի աղբյուրը

«Որպեսզի մեկին Բրուտոս անվանես, ինքդ պետք է լինես Գայոս Հուլիոս Կեսար», - ՀՀ Փաստաբանների պալատի նախագահի նախընտրական քարոզարշավի շրջանակներում այսօր լրագրողների հետ հանդիպման ժամանակ պատասխանելով Panorama.am-ի հարցին, հայտարարեց ՓՊ նախագահի թեկնածու Տիգրան Աթանեսյանը:

Նկատնեք, որ Փաստաբանների պալատի նախագահ Ռուբեն Սահակյանը արձագանքելով թեկնածուներ Տիգրան Աթանեսյանի և Կրոմվել Գրիգորյանի` իր հասցեին հնչեցված մեղադրանքներին, «news.am»-ին տված հարցազրույցում զարմացել էր և նկատել` «Ասենք Կրոմվել Գրիգորյանը ինչ-որ տեղ հանիրավի ինձնից նեղանալու իրավունք ունի, որովհետև բազմիցս կարգապահական վարույթ ենք հարուցել իր նկատմամբ, բայց Աթանեսյան, և դո՞ւ, Բրուտոս»:

Շարունակելով պատասխանը, Աթանեսյանը նշեց. «Եթե այդ մարդը այդ կարծիքին է, ուրեմն կարելի է Օստապ Բենդերի խոսքերով ներկայացնել` ծերուկն անտանելի է դարձել: Նախ ես բարձրաձայնել եմ հնարավոր խնդիրների մասին: Ես զարմանում եմ` ոչ մի փաստաբան իմ խոսքերը մինչև վերջ չի լսում: Ես չեմ հրաժարվում իմ ասածներից և չեմ հրաժարվում իմ կասկածներից: Ես ասել եմ, որ շատ ուրախ կլինեմ, եթե Պալատը հերքի այդ ամենը: Եթե ամեն ինչ նորմալ է, ինչու չունեն հարկային ստուգում, Վերչահսկիչ պալատի ստուգում եթե պետբյուջեից գումար է ստանում Պալատը, ապա ինչու աուդիտ չի անցկացվում: Իրենց արձագանքները հիմնականում նպատակ են հետապնդում ինձ վիրավորելու: Ես ասել եմ` նախընտրական քարոզարշավ է, իրենց մակարդակին չեմ իջնելու: Կպատասխանեմ ընտրություններից հետո համապատասխան տեղում»:

Ինչ վերաբերում է այսօր ՓՊ նախագահի մյուս թեկնածու Արա Զոհրաբյանի կողմից հրավիրված բանավեճին չմասնակցելուն, Աթանեսյանը վերահաստատեց իր նախկին տեսակետը և հայտարարեց, որ հյուրանոցային բանավեճը կարող է վերածվել «շուկայի»: 

«Ինձ եղավ առաջարկ ինչ-որ հյուրանոցում հանդիպել, որտեղ պետք է լինեինք մեր կողմնակիցներով և այդ հանդիպումը պետք է վերածեր շուկայի թող ներեն ինձ այն փաստաբաններն ու լրագրողները, ովքեր ներկա կգտնվեին այնտեղ: Այն ֆորմատը չէր, որի շրջանակներում պետք էր խոսել ծրագրերի ու անելիքների մասին», -հավելեց Աթանեսյանը:

Ներկայացնելով նախընտրական քարոզարշավի ընթացքը, Աթանեսյանն ասաց, որ իր մրցակից թեկնածուի` Արա Զոհրաբյանի քարոզարշավն իր նախընտրական քարոզարշավի կրկնությունն է: ««Ժառանգ» օպերացին չէր ենթադրում քարոզարշավ, գնացի մարզ, գնացին մարզ, բուկլետ տպեցի, բուկլետ տպեցին և այլն, և այլն: Մարզային մեկ այցելություն եմ ունեցել, բայց հետո հրաժարվել եմ: Սյունիքի մարզ այցելության ժամանակ փաստաբաններից մեկը խնդրեց այնպես նկարել, որ դեմքը չերևա: Շատ տհաճ իրավիճակ էր: Հետո տեղեկացա, որ ուզում են իմանալ, թե էլ որտեղ ես պետք է գնամ, որ իմ դեմն առնեն, և ես որոշեցի իմ մարզային կոլեգաներին որևէ խնդիրների առաջ չկանգնեցնել: Կա մամուլ, կա ինտերնետ, ցանկացած ոք կարող է հետևել», -հայատարրեց Տիգրան Աթանեսյանը:

Կարդացեք նաև`

Ես չեմ կարող հանդուրժել «ժառանգ» օպերացիան. Տիգրան Աթանեսյանը «ընդհատակյա» քայլեր է նկատել քարոզարշավի ընթացքում