Ադրբեջանում ընդդիմությունը նախագահական ընտրությունների նախաշեմին բողոքի ակցիա է անցկացրել

Տարածաշրջան 14:00 23/09/2013

Ադրբեջանում ընդդիմությունը նախագահական ընտրությունների նախաշեմին բողոքի ակցիա է անցկացրել

Ադրբեջանում ընդդիմությունը նախագահական ընտրությունների նախաշեմին բողոքի ակցիա է անցկացրել: Այս մասին տեղեկացնում է «Ազատություն» ռ/կ-ի եվրոպական ծառայությունը:

«Ժողովրդական ճակատ» կուսակցության ղեկավար Ալի Քերիմլին հոկտեմբերի 9-ին կայանալիք նախագահական ընտրություններն անվանել է «պայքար հանուն մեր հայրենիքի, մեր ապագայի, մեր երեխաների և ամբողջ ժողովրդի»:

«Ժողովրդական ճակատ» կուսակցության ղեկավարի տեղակալ Հասան Քարիմովը նշել է, որ ոստիկանությունն արգելել է ընդդիմության մի շարք աջակիցների բողոքի ակցիային մասնակցել՝ արգելափակելով ճանապարհները:

Բողոքի ակցիան եզրափակվել է կառավարությանն ուղղված մի շարք պահանջներով, այդ թվում քաղբանտարկյալների ազատ արձակում և ստեղծել նորմալ պայմաններ նախագահի թեկնածուների համար:

Ցուցարարները նաև նշել են, որ գործող նախագահ Իլհամ Ալիևը պետք է դադարեցնի օգտագործել իշխանական ռեսուրսները՝ իր նպատակներն իրականացնելու համար:
Ադրբեջանի Դեմոկրատական ուժերի ազգային խորհրդի կազմակերպած հանրահավաքը տեղի է ունեցել մայրաքաղաքի Յասամլի թաղամասի մարզադաշտում։

Իսկ հիմնական ընդդիմադիր թեկնածուն Քամիլ Հասանլին է:

Հիշեցնենք, որ Ադրբեջանում հոկտեմբերին կայանալիք նախագահական ընտրություններից ընդառաջ հեռուստաբանավեճն ընդհատվել է այն բանից հետո, երբ ինը թեկնածուներից մեկը՝ Ժամանակակից Մուսաֆաթ կուսակցության անդամ Հաֆիզ Հաջիևը ընդդիմության հիմնական ներկայացուցիչ Քամիլ Հասանլիի ուղղությամբ ջրով շիշ է նետել:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: