Ձեր վստահելի աղբյուրը

«ԱրմենՏել» ընկերության (ապրանքանիշը` Beeline) Գլխավոր տնօրեն Անդրեյ Պյատախինը և Հայ-ռուսական (Սլավոնական) համալսարանի ռեկտոր Արմեն Դարբինյանը պարգևատրել են սոցիալական լրագրության մրցույթի հաղթողներին: Սոցիալական լրագրությանը նվիրված մրցույթն անց էր կացվել Հայ-ռուսական (Սլավոնական) համալսարանի Գովազդի, լրատվամիջոցների և կինոյի ինստիտուտի հետ համատեղ`«Նովոյե վրեմյա» թերթի տեղեկատվական աջակցությամբ:

Երեք ամիսների ընթացքում մրցույթին ներկայացված լավագույն աշխատանքները տպագրվել են «Նովոյե վրեմյա» թերթի էջերում:
Ընկերության մամուլի ծառայության հաղորդմամբ, մրցույթի հանձնաժողովի կազմում ընդգրկվել են Հայ-ռուսական (Սլավոնական) համալսարանի Գովազդի, լրատվամիջոցների և կինոյի ինստիտուտի ղեկավարներ, «Նովոյե վրեմյա» թերթի խմբագրական խորհրդի անդամներ և «ԱրմենՏել» ընկերության ներկայացուցիչներ: Մրցույթի հաղթող դարձավ ՀՌՀ-ի երկրորդ կուրսի ուսանողուհի Լուսինե Իսրայելյանն «Առողջապահության նախարարությունը զգուշացնում է, բայց չի սովորեցնում...» ծխելու պայքարի դեմ անհրաժեշտությանն ուղղված հոդվածով: Երկրորդ և երրորդ տեղերը զբաղեցրեցին Հայ-ռուսական (Սլավոնական) համալսարանի Գովազդի, լրատվամիջոցների և կինոյի ինստիտուտի 3-րդ և 4-րդ կուրսի ուսանողուհիներ Աշխեն Սամվելյանը «Ծերերն այստեղ տեղ չունեն» հոդվածով` նվիրված ծերունիների միայնության խնդիրներին, և Մարիամ Սամվելյանը «Գերությունում…» հոդվածով` նվիրված ընտանեկան բռնությունների հիմնախնդրին:
Հաղթողն «ԱրմենՏել» ընկերության կողմից պարգևատրվել է Samsung Galaxy S III խելախոսով, իսկ երկրորդ և երրորդ տեղերը զբաղեցրած մասնակիցները ստացել են Samsung Galaxy S II խելախոսներ: Բոլոր հաղթողները ստաժավորման հնարավորություն ստացել են Հայաստանի առաջատար տպագիր լրատվամիջոցներից մեկում:
«Մրցույթի հանձնաժողովի անդամները մեծ դժվարությամբ ընտրել են հաղթողներին, քանի որ ներկայացված աշխատանքներն որակապես շատ բարձր էին, իսկ նյութերը տարբերվում էին ոչ միայն մասնագիտական մոտեցմամբ, այլ նաև իրենց անկեղծությամբ: Շատ աշխատանքներում մենք հանդիպեցինք հստակ առաջարկներ սոցիալական խնդիրների իրենց լուծումներով: «ԱրմենՏել»-ը հանդիսանալով ընկերություն, որն իր սոցիալական քաղաքականության շրջանակում իրականացնում է լայնամասշտաբ ծրագրեր ավելի քան շահագրգիռ է, որպեսզի երկրում աճի այն պրոֆեսիոնալ լրագրողների քանակը, ովքեր կլուսաբանեն խոշոր բարեգործների ուշադրության արժանի հասարակական կյանքի ոլորտները: Հուսանք, որ մեր սոցիալական ծրագրերի շնորհիվ նաև հայկական բուհերի շատ ուսանողներ իրենց ընտրությունը կանեն ի շահ սոցիալական լրագրության», - նշել է «ԱրմենՏել» ընկերության Գլխավոր տնօրեն Անդրեյ Պյատախինը:

Ընկերությունը հիշեցնում է, որ արդիական սոցիալական թեմային նվիրված լավագույն հոդված մրցույթը տեղի է ունեցել սույն թվականի գարնան և ամռան ամիսներին: Մրցույթի հանձնաժողովի դատին են ներկայացրել տասնյակ աշխատանքներ: Մրցույթի նպատակն է աջակցել արհեստավարժ և որակյալ լրագրությանն ուղղված երիտասարդների կրթման գործընթացին: