Ձեր վստահելի աղբյուրը

«Հարցումները ցույց են տվել, որ մարդիկ ցանականում են փոփոխություն տեղի ունենա, սակայն քչերն են հավատում, որ դա հնարավոր է: Նախընտրական մթնոլորտը բավականին խաղաղ է: Ադրբեջանցիներից շատերն անգամ ուշադրություն չեն դարձնում թեկնածուների նախընտրական պաստառներին»:Գրում է  «Osservatorio Balcani e Caucaso» ` անդրադառնալով Ադրբեջանում հոկտեմբերի 9-ին կայանալիք նախագահական ընտրություններին:

Շատերի համար, հոկտեմբերի 9-ը սովորական օր է: Եվ հավանաբար դա մարդկանց մեղքով չէ, նրանք արդեն դադարել են հավատալ, որ ընտրությունները կարող են արդար և ազնիվ լինել:

Չնայած, որ նախընտրական մթնոլորտը բավականին հանգիստ է, Ալիևի լոբբինգով զբաղվող «մեղուները» աշխատում են կանխել դրսում նրա վարկանիշին վնասող որևէ քայլ:

«New York Times»-ը սեպտեմեբրի 8-ի իր հրապարակման մեջ նշել էր գործող նախագահ Ալիևի ձեռքբերումների մասին, սակայն այստեղ տող անգամ չկար Ադրբեջանում մարդու իրավունքների ոտնահարումների, կաշառակերության, ծանր տնտեսական վիճակի և մի շարք այլ անհանգստացնող հարցերի մասին:

«Իմ նախագահ» խորագրով կայք է բացվել, սոցցանցերում էջեր, ֆլեշմոբ է տեղի ունեցել, տեսահոլովակ է նկարահանվել, որտեղ գովասանքի խոսքեր են շռայլվում ներկայիս նախագահի հասցեին: Ամենատարօրինակ գրառումները այդ էջի հետևյալն են՝ «Ես համոզված եմ իմ նախագահը երկրի անկախությունը պաշտպանողն է: Ես գիտեմ, որ իմ նախագահը մտածում է յուրաքանչյուր քաղաքացու մասին»:

Հետաքրքիր է, ո՞ր քաղաքացիների մասին է մտածում նախագահը: Վերջերս «N!DA» երիտասարդական շարժման 8 անդամներ ձերբակալվեցին՝ կեղծ մեղադրանքներով, ամենաերիտասարդը նրանցից 18 տարեկան էր: Սեպտեմբերի 13-ին նրանց դեմ ավելացվեցին մի շարք մեղադրանքներ ևս: Նրանց մեղադրում են անօրիանակ զենք պահելու մեջ:

Սակայն մինչդեռ մինչև հիմա ոչ մի թեկնածուի վերաբերյալ տեսահոլավակ չի նկարհանվել»,-մասնավորապես նշված է ««Osservatorio Balcani e Caucaso»-ի էջում:

Կարդացեք նաև` Ադրբեջանի մասին նյութի պատճառով եվրոպական պարբերականը կիբերհարձակման է ենթարկվել