ՀՀ նախագահ. Ադրբեջանը ՄԱԿ-ի ԱԽ բանաձևերի պահանջները չի կատարել
ՄԱԿ-ի ԱԽ չորս բանաձևերը պահանջում էին ռազմական գործողությունների դադարեցում, իրավիճակի կայունացում: Տեսնելով, որ Ադրբեջանը չի ցանկանում դադարեցնել ռազմական գործողությունները, ԱԽ-ն դադարեցրեց բանաձևերի ընդունման պրոցեսը: Այս մասին, ԵԽԽՎ-ում իր ելույթից հետո տեղի ունեցած հարցուպատասխանի ժամանակ հայտարարեց Հայաստանի նախագահ Սերժ Սարգսյանը:
«Հայաստանը սրբորեն կատարել է ԱԽ բանաձևերում իր համար նախատեսված դրույթները: Այն է՝ օգտագործել իր ազդեցությունը Լեռնային Ղարաբաղի բնակչության վրա՝ կատարելու ԱԽ-ի բանաձևերը:
Հիմա ինչ կարող է անել միջազգային հանրությունը և ինչ կարող եքանել կոնկրետ դուք: Մեզանից յուրաքանչյուրը` որպես պետություն, դառնալով Եվրոպայի խորհրդի անդամ, իր վրա պարտավորություններ ունի: Ինչպես տեսնում եք՝ մենք հիմա էլ շարունակում ենք ասել, որ այո՛, այս խնդիրը պետք է լուծվի խաղաղ ճանապարհով: Բայց Ադրբեջանի ղեկավարությունը գրեթե ամեն օր, իսկ նախագահի մակարդակով՝ առնվազն շաբաթը մեկ, ասում է, որ իրենք խնդիրը պետք է լուծեն ռազմական ճանապարհով»,- նշեց Ս. Սարգսյանը:
«Ես կարծում եմ, որ ԵԽԽՎ-ն պետք է հարց տա, Ադրբեջանը հանձնառո՞ւ է իր ստանձնած պարտավորություններին, թե՞ ոչ: Եթե ոչ, ապա որոշում պետք է կայացնել: Եթե այո, ապա պետք է կատարել հանձնառությունը: Ամենից կարևորն այն է, որպեսզի մենք եզրակացության գանք, որ խնդիրը պետք է լուծվի խաղաղ ճանապարհով: Եվ ես սա ասում եմ ոչ թե նրա համար, որ ադրբեջանցիները շատ սպառազինություն են կուտակել, որ հիմա Ադրբեջանի բնակչությունն ավելի է քան Հայաստանի բնակչությունը, և ոչ թե նրա համար որ վախենում ենք ռազմական գործողություններում պարտվելուց, այլ որ մենք պատերազմից ենք վախենում: Մենք կռվից չենք վախենում, մենք պատերազմ չենք ուզում, ուղղակի, սա է ամբողջ խնդիրը:
Եվ համարում ենք, որ պատերազմով խնդիրը չի լուծվի, հո անընդհատ չե՞նք պատերազմելու: 100-ամյա պատերազմն էլ ավարտվեց, վերջ ի վերջո պետք է խաղաղ լուծում գտնենք: Եվ այս լուծումը միջազգային հանրությունը համանախագահների բերանով փոխանցել է մեզ: Երեք հիմնարար սկզբունքի վրա լուծում. ուժի կամ դրա սպառնալիքի բացառում, ժողովուրդների ինքնորոշում, տարածքային ամբողջականություն: Այո, խաղաղ ճանապարհով: Այո, Լեռնային Ղարաբաղի ժողովուրդը ինքը պետք է որոշի, թե ինչպես է ապրելու: Սա է խնդիրը: Ադրբեջանի կազմում, անկախ Հայաստանի կազմում, դա Լեռնային Ղարաբաղի ժողովրդի որոշելիք խնդիրն է այնպես` ինչպես մնացած ժողովուրդներն են որոշել, թե իրենք ինչպես պետք է ապրեն: Եվ մենք, այո, համաձայն ենք, որ Ադրբեջանը պետք է անպայման պայքարի իր տարածքային ամբողջականության համար և մենք տարածքային որևէ նկրտում Ադրբեջանի հանդեպ չունենք»,- նշեց նախագահը:
Ս. Սարգսյանը նաև նշել է, որ անհրաժեշտ է վստահության մթնոլորտ ստեղծել, հավելելով, որ ԵԽ յուրաքանչյուր պետությունը պետք է կատարի իր հանձնառությունները:
Հիշեցնենք, որ ՀՀ նախագահը մեկնել է Ֆրանսիա, որտեղ հանդիպել է Ֆրանսիայի նախագահ Ֆրանսուա Օլանդի հետ: Ավելի ուշ նախագահը ելույթ է ունեցելԵԽԽՎ-ում: Այս պահին նախագահը պատասխանում է ԵԽԽՎ ներկայացուցիչների հարցերին:
Նախորդող հրապարակումներ`
Ղարաբաղը եղել է, կա և կմնա Եվրոպայի մաս. Սերժ Սարգսյանի խոսքը Եվրոպայի խորհրդի խորհրդարանական վեհաժողովում
ՀՀ Նախագահի հայտարարությունը ԵԽ գլխավոր քարտուղար Թորբյորն Յագլանդի հետ հանդիպման արդյունքների վերաբերյալ
Սերժ Սարգսյան. Ադրբեջանը չի ստորագրել Կազանում ներկայացված փաստաթուղթը
Սերժ Սարգսյանի խոսքը Եվրոպայի խորհրդի խորհրդարանական վեհաժողովում
Ս. Սարգսյան. Հայաստանի ցանկությունն է շարունակել սերտ համագործակցությունը ԵՄ-ի հետ
Սերժ Սարգսյան. ՀՀ-ն հիմա էլ պատրաստ է նախաստորագրել ԵՄ ասոցացման համաձայնագիրը
Ս. Սարգսյան. Հայաստանը մասնակցելու է Վիլնյուսում կայանալիք գագաթնաժողովին
Լրահոս
Տեսանյութեր
Թշնամnւ հրահանգները մեր կյանք տեղափոխողները Հայաստանի թշնամիներն են. Բագրատ Սրբազան
