Ձեր վստահելի աղբյուրը

 «Իրանի հետ հնարավոր է ձեռք բերել համաձայնություն, սակայն դա կապված է Թեհրանի գործնական քայլերի հետ»,-այդ մասին իրանական «ՖԱՐՍ» լրատվական գործակալության հաղորդմամբ՝ Տոկիոյում լրագրողների հետ հանդիպման ժամանակ հայտարարել է ԱՄՆ պետքարտուղար Ջոն Քերին:

ԱՄՆ արտաքին գերատեսչության ղեկավարը, անդրադառնալով Իրանի և ԱՄՆ-ի հարաբերությունների կարգավորման խնդրին, մասնավորապես նշել է. «Եթե Իրանը ցանկացնա, որպեսզի հասնենք հաջող լուծումների, ապա իմ կարծիքով դա հնարավոր է: Վաշինգտոնը հակված է Թեհրանի հետ հաջող փոխգործակցություն ունենալ, սակայն միայն խոսքերը որևէ ազդեցություն չեն ունենա: Բանակցությունները պետք է հիմնված լինեն այնպիսի քայլերի վրա, որոնք վստահություն կներշնչեն»:

Նկատենք, որ սեպտեմբերի 28-ին Իրան-ԱՄՆ հարաբերություններում տեղի ունեցավ պատմական իրադարձություն. 1979թ. Իրանում տեղի ունեցած իսլամական հեղափոխությունից հետո առաջին անգամ կայացավ Իրանի և ԱՄՆ-ի նախագահների հեռախոսազրույցը, ՄԱԿ-ի ԳԱ վեհաժողովի շրջանակներում հանդիպեցին երկու երկրների արտաքին գերատեսչությունների ղեկավարները, Իրանում տեղի ունեցած նախագահական ընտրություններից հետո առաջին անգամ միջուկային խնդրի շուրջ կայացավ Իրանի և «5+1 խմբի» հանդիպումը:

Նախորդող հրապարակումներ՝
Հասան Ռոհանին ԱՄՆ-ից 5 ուղերձ է ստացել, սակայն չի ընդունել Բարաք Օբամայի հետ հանդիպելու առաջարկությունը

Իրան-ԱՄՆ հարաբերությունների կարգավորմամբ՝ Հայաստանի շուրջ ստեղծված անվտանգության միջավայրը կբարելավվի. Իրանագետ

Զբիգնև Բզեժինսկի. Իրանի հետ բանակցելը դժվար է, բայց հնարավոր