Սերժ Սարգսյանին ԵԽԽՎ-ում «ժողովրդավարական հետընթացի» մասին հարցի հեղինակը ադրբեջանական ձկնկիթի սիրահա՞ր է
Նախօրեին ԵԽԽՎ-ում Նախագահ Սերժ Սարգսյանի ելույթին հաջորդած հարց ու պատասխանի ժամանակ Մակեդոնիայի ներկայացուցիչ, ԵԽԽՎ-ում Սոցիալիստների խմբի անդամ Իգոր Իվանովսկին մտահոգություն հայտնեց Հայաստանում «ժողովրդավարական հետընթացի, դատական իշխանության անազատության, հանցագործությունների և կոռուպցիայի աճի» առնչությամբ։
Հարցին ի պատասխան, Նախագահ Սարգսյանը խորհուրդ տվեց «ծանոթանալ դիտորդական առաքելությունների զեկույցներին» և հեգնանքով ավելացրեց.
«Ես նաև հարգում եմ այստեղ Ձեր հարց տալու ու կարծիք հայտնելու իրավունքը, և ես կցանկանայի, որպեսզի Ձեր երկրում ժողովրդավարությունը ունենա շատ մեծ հաջողություն։ Ես տեսնում եմ, որ Ձեր երկրում ժողովրդավարություն կա՝ չիմանալով, թե Դուք որ երկիրն եք ներկայացնում, քանի որ եթե այդպիսի մեծ մտահոգություն ունեք Հայաստանում ժողովրդավարության զարգացման վերաբերյալ, վստահ եմ, որ տասնապատիկ ավելի շատ մտահոգված եք սեփական երկրում ժողովրդավարական գործընթացների զարգացմամբ։ Շնորհակալ եմ»։
ԵԽԽՎ կայքում կարճ ուսումնասիրությունը ցույց է տալիս, որ պարոն Իվանովսկին չունի Վեհաժողովում ակտիվության առանձնակի բարձր աստիճան։ Նա անդամակցում է Վեհաժողովի Սոցիալական, առողջապահականև կայուն զարգացման հանձնաժողովին, ինչպես նաև Էներգետիկայիև շրջակա միջավայրի ենթահանձնաժողովին։ Մի փոքր ավելի խորը ուսումնասիրությունը ցույց է տալիս, որ, ամենայն հավանականությամբ, Հայաստանի հասցեին «անխնա» քննադատության պատճառը Իվանովսկիի անդամակցությունն է հենց Էներգետիկայի ենթահանձնաժողովին։
Պարոն Իվանովսկին ս.թ. ապրիլի 25-27-ը հյուրընկալվել էր Բաքվում, որտեղ, արժանանալով ավանդական «խավիարային» ընդունելության, կրկնել էր ադրբեջանական վաղեմի երազանքներից մեկը՝ կազմակերպել ԵԽԽՎ հայ և ադրբեջանցի պատգամավորների հանդիպումներ և քննարկել Լեռնային Ղարաբաղի հարցով ենթահանձնաժողովի անդամների քանակի ավելացման հարցը։
Հետաքրքիր է նաև նշել, որ իբրև Սոցիալական հարցերի հանձնաժողովի անդամ նախաձեռնած իր հայտարարություններում (օրինակ՝ Հունգարիայում անօթևան մարդկանց ձերբակալությունների մասին հայտարարության դեպքում պարոն Իվանովսկիին աջակցում է իսպանացի պատգամավոր Խորդի Կսուկլա ի Կոստան , ով 2011-ի փետրվարին ադրբեջանական և թուրքական պատվիրակությունների, ու մասնավորապես Վեհաժողովի թուրք նախագահ պրն. Մևլութ Չավուշօղլուի անձնական ջանքերի շնորհիվ դարձավ Լեռնային Ղարաբաղի հարցով ենթահանձնաժողովի ղեկավար։
Այն ժամանակ, 2011-ին ձմեռայինև գարնանային նստաշրջաններին հայկական պատվիրակության նպատակասլաց աշխատանքի արդյունքում Խորդի Քսուկլային զրկել էին ենթահաձնաժողովը ղեկավարելու հնարավորությունից։
Արդեն այս տարի, պարոն Քսուկլան ընդգրկված է Ադրբեջանի նախագահական ընտրություններում ԵԽԽՎ դիտորդական առաքելության մեջ և արդեն հասցրել է տարածել այդ ընտրությունների ժողովրդավարական բնույթի վերաբերյալ ոգևորիչ հայտարարություն։
Ինչպես նշել էին Եվրոպական Կայունություն Նախաձեռնության «Խավիարային դիվանագիտություն» զեկույցի հեղինակները, ցավալի է, որ եվրոպական ժողովրդավարության, մարդու իրավունքներիև օրենքի գերակայության ոլորտներում կարևոր առաքելության կոչված ԵԽԽՎ-ն դառնում է տարբեր շահերի խմբերի բախման կենտրոն, ինչը հարցականի տակ է դնում ամբողջ կազմակերպության առաքելությունը։
Ստորև ներկայացնում ենք Իգոր Իվանովսկիիև Նախագահ Սարգսյանի հարցուպատասխանը ամբողջությամբ.
Իգոր Իվանովսկի, Մակեդոնիա. Պարոն Նախագահ, համաձայն ԵԽԽՎ զեկույցների, և իմ անձնական կարծիքը դրանց հետ համընկնում է, ես պետք է նշեմ, որ Հայաստանը շատ քիչ առաջընթաց է գրանցել իր ժողովրդավարական զարգացման ճանապարհին։ Դատական համակարգը անկախ չէ, վարչական համակարգը իշխող կուսակցության կողմից ճնշված է, հանցագործություններիև կոռուպցիայի մակարդակը չի իջնում։ Լուրջ մտահոգություններ են մնում ընտրությունների հետ կապված….
Նախագահ Սարգսյան. Ներողություն, ես չգիտեմ, Դուք ով եք, որ երկիրը ու խմբակցությունն եք ներկայացնում, բայց ակնհայտորեն տեսնում եմ, որ Դուք թշնամաբար եք տրամադրված Հայաստանի հանդեպ։ Ձեզ պետք է խնդրեմ ուշադրությամբ ծանոթանալ բոլոր զեկույցներին։ Առաջին հերթին Ձեզ խորհուրդ եմ տալիս ծանոթանալ դիտորդական առաքելությունների զեկույցներին, որտեղ շատ հստակորեն նշվում է Հայաստանի առաջընթացի մասին։ Ես Ձեզ խորհուրդ կտայի մի քիչ ժամանակ, ջանք ու եռանդ ծախսել՝ ծանոթանալու այդ զեկույցներին։ Բայց ես նաև հարգում եմ այստեղ Ձեր հարց տալու ու կարծիք հայտնելու իրավունքը, և ես կցանկանայի, որպեսզի Ձեր երկրում ժողովրդավարությունը ունենա շատ մեծ հաջողություն։
Եվ տեսնում եմ, որ Ձեր երկրում ժողովրդավարություն կա՝ չիմանալով, թե Դուք որ երկիրն եք ներկայացնում, քանի որ եթե այդպիսի մեծ մտահոգություն ունեք Հայաստանում ժողովրդավարության զարգացման վերաբերյալ, վստահ եմ, որ տասնապատիկ ավելի շատ մտահոգված եք սեփական երկրում ժողովրդավարական գործընթացների զարգացմամբ։ Շնորհակալ եմ։
Հեղինակ` Էդգար Խաչատրյան
Լրահոս
Տեսանյութեր
Ինչո՞ւ հանկարծ ՀՀ իշխանությունները որոշեցին խլել արցախցիների կենսաթոշակային խնայողությունները
