Ձեր վստահելի աղբյուրը

 Թուրքիայի Հանրապետության հռչակման 90-րդ տարեդարձի օրը` հոկտեմբերի 29-ին, կատարվել է դարի նախագիծ կոչվող ստորջրյա ճեպընթաց գնացքի (Մարմարայ) բացման արարողությունը: Ներկա են գտնվել Թուրքիայի նախագահը, վարչապետը և պաշտոնատար այլ այրեր, ինչպես նաև արտասահմանցի բարձրաստիճան հյուրեր` Ճապոնիայի և Ռումինիայի վարչապետները, 9 նախարար 8 տարբեր երկրներից:

Թուրքական մամուլի բնորոշմամբ` Մարմարայն իրականություն է դարձրել թուրքերի 150 տարվա երազանքը. Եվրոպա և Ասիա մայրցամաքները ստորջրյա կապով միացնում է իրար: Այդ գաղափարը երազանքի տեսքով առաջ է քաշվել է դեռևս 1860-ին սուլթան Աբդուլ Համիդ 2-րդի կողմից: 2004 թվականին սկսվել է շինարարությունը և արժեցել 8 մլրդ թուրքական լիրա (3 մլրդ եվրո): Մարմարայի ուղևորատարության ծավալը օրական կարող է կազմել է մինչև 1 մլն մարդ:

Թուրքական այս հզոր նախագծի իրագործմանն անդրադարձել է նաև արևմտյան մամուլը: Մասնավորապես «Independent» պարբերականը նկատել է տվել, որ նոր ճեպընթաց գնացքը կարևոր ազդեցություն կունենա 15 միլիոնանոց բնակչություն ունեցող Ստամբուլի թույլ զարգացած շրջանների համար: Իսկ «The Times»-ը Մարմարայը բնութագրել է որպես Եվրոպան Միջին Ասիայի հետ կապող «Երկաթուղային մետաքսե ճանապարհ»-ի առաջին հիմնաքար: