Ձեր վստահելի աղբյուրը

Տեղակայված Հաաստանի և Ադրբեջանի սահմանից 200 մետր հեռավորությամբ, Կայանը փոքր ավան է, ուրն ունի 306 բնակիչ: Այնուամենանիվ, ի շնորհիվ Կայան-ավանի թիվ 1 դպրոցի տնօրենի, այդ դպրոց այսօր հաճախում են մոտ 140 աշակերտ, որոնք գալիս են մոտակա համայնքերից: Դպրոցի աշակերտները հաջողությամբ մասնակցում են բազմապիսի մրցույթների, խաղերի և օլիմպիադաների` ողջ հանրապետության տարածքում:

«Սրանք էին հիմնական դրդապատճառները, որ ՔՐՈՆԻՄԵՏ բարեգործական հիմնադրամը 2012թ սեպտեմբերին մշակեց հատուկ աջակցության ծրագիր և ձեռնամուխ եղավ դրա իրականացմանը: Դպրոցին կից խարխլված շենքում նախատեսվում էր բացել նախակրթարան, ուր պետք է հաճախեին մոտ 50-60 երեխա: Սակայն շենքն ուղղակի փլվում էր և երեխաներին վտանգավոր էր նույնիսկ այդ շենքին մոտիկ թողնել: Մեր խորհին համոզմամբ, այս շրջանում ուսումնական հաստատությունների պայմանների բարելավումը առնվազն ինչ-որ չափով կարող էր կանխել մարդկանց իրենց համայնքը լքելու մտադրությունից»,-ասված է ՀՀ-ում «ՔՐՈՆԻՄԵՏ Մայնինգ ԲԸ»-ի ներկայացուցչության հաղորդագրության մեջ:

ՔՐՈՆԻՄԵՏ բարեգործական հիմնադրամի մամուլի ծառայության հաղորդմամբ, հիմնանորոգման աշխատանքնեը բաժանվել են երկու փուլի և մեկնարկել են դեռ 2012 թվականին` տանիքի հիմնանորոգմամբ: 2013 թվականի մայիսին ՔՐՈՆԻՄԵՏ Բարեգործական հիմնադրամը սկսել է և հոկտեմբերին ավարտել է նախակրթարանի ամբողջ շենքի կապիտալ նորոգումը: Այս նախաձեռնությունի կյանքի կոչելու համար ներդրվել է մոտ 40 միլիոն ՀՀ դրամ:

Կարևորելով կրթությունն օժանդակող ծրարգրերի իրականացումը հատկապես սահմանամերձ շրջաններում, ՔՐՈՆԻՄԵՏ բարեգործական հիմնադրամի այս նախաձեռնության արդյունքում երեխաների համար ստեղծվել են հարմարավետ և բարենպաստ պայմաններ ուսումնական պրոցեսը առավել արդյունավետ և հետաքրքիր դարձնելու համար:

ՔՐՈՆԻՄԵՏ բարեգործական հիմնադրամը ստեղծվել է 2011թ. հունիսին, հիմնադիրն է ՔՐՈՆԻՄԵՏ Մայնինգ գերմանական ընկերությունը: