Ձեր վստահելի աղբյուրը

Ծածկած շուկայի նախկին տեսքը վերականգնելու պահանջն այսօր քաղաքացիները ներկայացրեցին ազգային պարերի տեսքով: Դեղին գլխարկներով ակտիվիստները ինչպես միշտ հավաքվեցին Մաշտոցի պուրակում, որտեղից էլ սկսվեց ազգային պարերով բողոքը: Ի տարբերություն վերջին օրերի, այս անգամ պուրակ որևէ կենդանի չէր բերվել, հակառակ ճակատի ներկայացուցիչները հայտարարել էին, որ դադարեցնում են իրենց ակցիաները:

«Ազատագրենք հուշարձանն օլիգարխից» քաղաքացիական նախաձեռնության անդամ Վարդան Հակոբյանը հայտարարեց, որ իրենք մշակույթով հասնելու են մշակութային հուշարձանի վերականգնմանը: Իսկ այն, որ հակառակ կողմի ներկայացուցիչները կարմիր գլխարկներով կամ կենդանիներով չեն շարունակելու իրենց ակցիաները, ըստ Վարդան Հակոբյանի, իրենց հետագա քայլերում ոչինչ չի փոխելու ու իրենք շարունակելու են պայքարը` մինչև չվերականգնվի հուշարձանը:

«Եթե նույնիսկ երկրում հեղափոխություն լինի, բայց Ծածկած շուկան չվերականգնվի, մենք պայքարելու ենք: Այս պահին դա է մեր առաջ դրված առաջնային հարցը»,- ասաց նա:

Մանրամասները` տեսանյութում:

Նախորդիվ`

Կարնո քոչարի, Քերծի, Փափուռի` Ծածկած շուկայի մոտ. «Ուզում ենք նորից կյանքի կոչվելու հույս տալ հուշարձանին»

«Նախախորհրդարանի» խորհրդանիշ դեղին գլխարկներով ավանակները Երևանի կենտրոնում պայքարում են օլիգարխի դեմ

Ոչխարներ և այծեր. «Պայքարում ենք օլիգարխի դեմ» (Լուսանկարներ)