Ձեր վստահելի աղբյուրը

 Հայաստանի ու Ադրբեջանի նախագահների պատրաստականությունը՝ անմիջական բանակցությունների և ԼՂ հիմնախնդրում առաջխաղացման հասնելու հարցում, հաջողության հնարավորություն են ստեղծում: Այս մասին, «1նյուզ.ազ»-ին տված հարցազրույցում ասել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:

Ամերիկացի համանախագահը նշել է, որ սա կարևոր քայլ է բանակցային սեղան վերադառնալու ճանապարհին՝ հույս հայտնելով, որ կողմերը կկարողանան օգտագործել առաջիկա հանդիպումը, որպեսզի հետագայում հնարավոր լինի առավել արդյունավետ բանակցություններ վարել:

Ջ. Ուորլիքը շեշտել է, որ ԱՄՆ-ն մշտապես հավատարիմ է եղել ԼՂ հիմնախնդրի խաղաղ կարգավորման գործընթացին և նա պատրաստ է, մյուս համանախագահների հետ սերտ համագործակցության միջոցով, օժանդակել կողմներին՝ հասնելու ընդհանուր նպատակին:

Նրա խոսքերով, Հայաստանում ու Ադրբեջանում կայացած ընտրական ցիկլից հետո լավ հնարավորություն է ստեղծվել՝ առաջընթացի կուրս վերցնելու ու գործընթացում առաջընթաց գրանցելու համար:

Դիվանագետը նշել է, որ քննարկման համար մեծ թվով հարցեր կան և դրանց լուծման հարցում, կողմերից ոչ մեկ, միայնակ չի կարող հասնել հաջողության:

Կարևորելով ամենաբարձ մակարդակով երկխոսության շարունակումը, վերջինս նշել է, որ խրախուսելի է ցանկացած քայլ, որը կարող է բերել կողմերի միջև վստահության ամրապնդմանն ու անվտանգության, քայլեր, որոնք բոլորին խաղաղությանն ավելի կմոտեցնեն:

Նշենք, որ նոյեմբերին 4-5-ը տարածաշրջան կատարած նախորդ այցի շրջանակներում, ամերիկացի համանախագահը նշել էր, որ նախագահների մակարդակով բանակցություններն ընթանալու են «Հիմնարար սկզբունքների» շուրջ փաստաթղթի հիման: Հիշեցնենք, որ այդ փաստաթուղթը 2011 թվականին Կազանում կայացած հանդիպման ժամանակ Ադրբեջանը մերժեկ էր:

ԵԱՀԿ-ում ԱՄՆ ներկայացուցիչ. Խաղաղ կարգավորումն այլընտրանք չունի