Ձեր վստահելի աղբյուրը

Նոյեմբերի 21-ին ժամը 16.00-ին ՀՀ վերաքննիչ քրեական դատարանում դատավոր Արշակ Խաչատրյանի նախագահությամբ քննության է առնվելու Կոտայքի մարզի ընդհանուր իրավասության դատարանի կողմից Վարդան Պետրոսյանի նկատմամբ կալանավորումը որպես խափանման միջոց ընտրելու միջնորդությունը քննության առնելու մասին որոշման դեմ ներկայացված վերաքննիչ բողոքը: Այդ մասին Panorama.am-ին տեղեկացնում է Վարդան Պետրոսյանի փաստաբան Նիկոլայ Բաղդասարյանի ղեկավարած փաստաբանակն ընկերությունը:

Հիշեցնենք, որ Կոտայքի մարզի ընդհանուր իրավասության դատարանը նոյեմբերի 9-ին որոշել էր Վարդան Պետրոսյանի նկատմամբ որպես խափանման միջոց կիրառել կալանքը` երկու ամիս ժամկետով:

Հարուցված քրեական գործի նախաննության շրջանակներում դերասան, երգիծաբան Վարդան Պետրոսյանին մեղադրանք էր առաջադրվել ՀՀ Քրեական օրենսգրքի 242-րդ հոդվածի 3-րդ մասի հատկանիշներով՝ «Ավտոմեքենա կամ մեխանիկական այլ տրանսպորտային միջոց վարող անձի կողմից ճանապարհային երթևեկության կամ տրանսպորտային միջոցների շահագործման կանոնները խախտելը որն անզգուշությամբ առաջացրել է երկու կամ ավելի մարդու մահ»:

Նախորդող հրապարակումներ.

Վարդան Պետրոսյանի կալանքի մասին որոշումը դատարանը ընդունել է խախտումներով. Փաստաբանը թվարկում է դրանք

«Վարդան Պետրոսյանը ալկոհոլ օգտագործել է, կողային հայելիներ եղել են, արագությունն էլ գերազանցել է 70-ը». Հակոբյանների փաստաբան

Վ. Պետրոսյանի մասնակցությամբ վթարի ենթարկված «Նիվա»-ի կողային հայելիները բացակայել են. Փաստաբան