Արարատ կոնյակի համտեսի միջոցառում`Վիեննայում
Նոյեմբերի 19-ին Վիեննայի Hotel de France հյուրանոցի հանդիսությունների սրահում տեղի է ունեցել Արարատ կոնյակի համտեսի միջոցառում: Ինչպես տեղեկացնում են ՀՀ ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից, կազմակերպիչներն էին՝ Ավստրիայում Հայաստանի Հանրապետության դեսպանությունը և Երևանի «ԱՐԱՐԱՏ» կոնյակի գործարանը` Ավստրիայի Գինեգործական եղբայրության և գինու ասպետների ընկերության օժանդակությամբ:
Միջոցառմանը բացման խոսքով հանդես ե եկել Ավստրիայում Հայաստանի Հանրապետության դեսպան Արման Կիրակոսյանը: Ներկաներին ողջունել է «ԱՐԱՐԱՏ» Երեւանի կոնյակի գործարանի տնօրեն Արա Գրիգորյանը: Միջոցառման հյուրերին ներկայացվել է Հայաստանում կոնյակի արտադրության սկզբնավորման և զարգացման պատմությունը, ներկա արտադրատեսականին, ինչպես նաև համտեսի մասնագիտական նրբությունները: Համտեսի ամբողջ ընթացքում հնչել է կենդանի ջազային երաժշտություն լիբանանահայ հայտնի ջազ դաշնակահար Հովհաննես Ջիբյանի կատարմամբ:
Միջոցառմանը ներկա էին Ավստրիայի կառավարության, մասնավորապես՝ արտաքին գերատեսչության, առևտրատնտեսական շրջանների ներկայացուցիչներ, Վիեննայում հավատարմագրված դիվանագիտական առաքելությունների ղեկավարներ, մասնագետ գինեգործներ, խմիչքի արտադրության և վաճառքի կազմակերպման հարցերում մասնագիտացած ընկերությունների ղեկավար անդամներ, լրագրողներ:
Ավելի վաղ նմանատիպ միջոցառում էր տեղի ունեցել Լոնդոնում: Hyatt Regency – Churchill հյուրանոցում Հայաստանի դեսպանությունը, IDS դիվանագիտական խանութի և ՄԹ-ում «Արարատ» կոնյակի պաշտոնական ներկայացուցիչ Vinorium ընկերության հետ համատեղ կազմակերպել էր հայկական կոնյակի համտեսում, որին հրավիրված էին Լոնդոնում հավատարմագրված բազմաթիվ դիվանագետներ եւ այլ հյուրեր։
Ողջույնի խոսքով հանդես է եկել դեսպանության խորհրդական Արա Մարգարյանը։ Այնուհետև, հյուրերին ներկայացվել է հայկական կոնյակի պատմությունն ու առանձնահատկությունները։
Նշվում է նաև, որ հունիսին «Արարատ» կոնյակը ներառվել էր IDS դիվանագիտական կատալոգում:
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
