Ձեր վստահելի աղբյուրը

 «Financial Times» պարբերականը տպագրել է հոդվածագիր Լեյլա Բուլթոնի՝ «Էրդողանը այն մարդն է, ով բաժանեց թուրք ժողովրդին» խորագրով հոդված:

Ստորև ներկայցնում ենք հոդվածը՝ որոշ կրճատումներով.

«Թուրքերը կամ հիացմունքով, կամ էլ վախեցած են նայում միայն մեկ մարդու՝ վարչապետ Էրդողանին, ով կարծես խիզախ բարեփոխիչից վերածվեց բորբոքված բռնապետի:

Էրդողանը կոշտ արձագանքեց Թուրքիայի մի շարք քաղաքներում տեղի ունեցող բողոքի ակցիաներին. նա հարձակում է գործում գրեթե ամեն բանի վրա: Նրա աջակցիներից շատերը հիասթափված են:

«Մենք կարծում էինք նա ժողովրդավար է, սակայն նա դարձավ բռնակալ»,-նշել է Լիբերալ կուսակցության անդամներից մեկը, ով ցանկացել է անանուն հանդես գալ:

Էրդողանը ոչ ժողովրդավարական ռեֆլեքսներ ունի, որոնք առարկությունների տեղիք են տվել անգամ «Արդարություն և Զարգացում» կուսակցության ներսում, այդ թվում և կուսակցության հիմնադիրներ՝ նախագահ Աբդուլահ Գյուլի և փոխվարչապետ Բյուլենթ Արընջի մոտ:

Թուրքական ԶԼՄ-ները ենթադրում են, որ Էրդողանը չի կարող հաջորդ տարի ընտրվել, քանի որ նա քաղցկեղ ունի: ԶԼՄ-ները 2011թ-ի բացահայտեցին, որ նա վիրահատություն է տարել:

«ԵՄ ինտեգրման աջակիցները իրենց միայնակ են զգում: ԵՄ ինտեգրումը միայն տնտեսական թեմա չէ Թուրքիայի համար: Մենք դրա կարիքն ունենք քաղաքական պատճառներով՝ բարելավել օերնքի գերակայությունն ու մարդու իրավուքնները»,-նշել է գործարար Ումիթ Բոյները:

Այն թուրքերը, որոնք զգուշացրել էին, որ չպետք է «Արդարությունը և Զարգացում» կուսակցությանը վստահել, իրենց հայտարարությունը արդարացված են համարում»: