Ձեր վստահելի աղբյուրը

 Քիչ առաջ Գյումրիում մեկնարկեց ՌԴ նախագահ Վլադիմի Պուտինի`Հայաստան կատարած պետական այցի կապակցությամբ «Ռուսաստան: Հայաստան: Մաքսային միություն» միջտարածաշրջանային երրորդ համաժողովը:

Համագումարին բացման խոսքով հանդես եկավ ՀՀ նախագահ Սերժ Սարգսյանը: Նախագահը ողջունեց համաժողովի մասնակիցներին:

«Համագումարին ներկա են «Ռոսատոմի», «Ռոսնեֆտի», «Գազպրոմի», «ՎՏԲ»-ի և այլ խոշոր ընկերությունների ներկայացուցիչներ: Այստեղ ներկա են քաղաքացիական հասակարության ներկայացուցիչները, ՏԻՄ ղեկավարներ, ՌԴ-ի 20 մարզերը ներկայացնող գիտակրթական ինտելիգենցիայի ներկայացուցիչները: Ներկայացուցկան կազմը խոսում է այն հետաքրքրության մասին, որ առկա է այս համաժողովի շուրջ»,- նշեց Սերժ Սարգսյանը:

Նախագահի խոսքերով, Գյումրին դարձել է հայ-ռուսական հարաբերությունների խորհրդանիշը:

«1837թ.-ին հիմնադրվեց բերդը և քաղաք այցելեց կայսր Նիկոլայ Առաջինը ու քաղաքը վերանվանվեց Ալեքսանդրապոլ `
ի պատիվ կայսրուհի Ալեքսանդրայի»,-նշեց Ս.Սարգսյանը:

Նախագահը հիշեցրեց, որ այստեղ էր տեղակայված Ռուսաստանի ամենահռչկավոր 18-րդ դրագունյան գունդը, որում ծառայություն են անցել ապագա խորհդային մարշալ Սեմյոն Բուդյոնին և այլ նշանավոր անձինք:

Երկրի ղեկավարը նշեց, որ Գյումրիում է գտնվում ռուս-թուրքական պատերազմներում զոհված ռուս սպաների պանթեոնը:

«Գյումրիում այս համագումարի անցկացումը ունի ևս մեկ խորհուրդ: Շուրջ 25 տարի առաջ ավերիչ երկրաշարժը մեծ վնասներ հասցրեց այս քաղաքին, զոհվեց ավելի քան 25.000 մարդ, ավիրվեց ենթակառուցվածքը»,-նշեց երկրի ղեկավարը:

Ս.Սարգսյանը խորին երախտագիտություն հայտնեց բոլոր այն երկրներին և առաջին հերթին Ռուսաստանին, երկրաշարժի հետևանքերը հաղթահարելու գործում օգնության համար:

Հիշեցնենք, որ Նախագահ Սերժ Սարգսյանի հրավերով այսօր պետական այցով Հայաստան է ժամանել Ռուսաստանի Դաշնության Նախագահ Վլադիմիր Պուտինը:

ՌԴ Նախագահի գլխավորած պատվիրակության կազմում են նախարարներ, Նախագահի աշխատակազմի բարձրաստիճան պաշտոնյաներ, նահանգապետներ, տարբեր ոլորտների ռուսաստանյան առաջատար ընկերությունների ղեկավարներ: Երևան են ժամանել, մասնավորապես, արտաքին գործերի նախարար Սերգեյ Լավրովը, կառավարության նախագահի առաջին տեղակալ Իգոր Շուվալովը, կրթության և գիտության նախարար Դմիտրի Լիվանովը, էներգետիկայի նախարար Ալեքսանդր Նովակը, ֆինանսների նախարար Անտոն Սիլուանովը, տարածաշրջանային զարգացման նախարար Իգոր Սլյունյաևը, տրանսպորտի նախարար, Հայաստանի Հանրապետության և Ռուսաստանի Դաշնության միջև տնտեսական համագործակցության միջկառավարական հանձնաժողովի ռուսական կողմի համանախագահ Մաքսիմ Սոկոլովը, գյուղատնտեսության նախարար Նիկոլայ Ֆյոդորովը, պաշտպանության նախարարի առաջին տեղակալ Արկադի Բախինը, տնտեսական զարգացման նախարարի տեղակալ Ալեքսեյ Լիխաչևը, ռազմատեխնիկական համագործակցության գծով դաշնային ծառայության տնօրեն Ալեքսանդր Ֆոմինը, «Ռոսատոմ» ընկերության գլխավոր տնօրեն Սերգեյ Կիրիենկոն, զբոսաշրջության դաշնային գործակալության ղեկավար Ալեքսանդր Ռադկովը, «Ռոսնեֆտ» ընկերության նախագահ Իգոր Սեչինը, «ՎՏԲ» բանկի նախագահ Անդրեյ Կոստինը, «Գազպրոմ» ընկերության վարչության նախագահ Ալեքսեյ Միլլերը, ՌԴ Դաշնային ժողովի Դաշնության խորհրդի անդամ, հայ-ռուսական միջխորհրդարանական համագործակցության հանձնաժողովի համանախագահ Նիկոլայ Ռիժկովը, «Ռուսական երկաթուղիներ» ընկերության ավագ փոխնախագահ Վալերի Ռեշյոտնիկովը, պաշտոնատար այլ անձինք:

Նախորդող հրապարակումներ`

Պուտին. Ռուսաստանը երբեք չի հեռանա Անդրկովկասից

«Հրազդան ՋԷԿ-ի 5-րդ էներգաբլոկը պատրաստ է շահագործման». Հավատացրին երկու նախագահներին