ԱՄՆ-ի Կոնգրեսում ԼՂ անկախության հանրաքվեի 22-րդ տարեդարձին նվիրված արարողություն է տեղի ունեցել
ԱՄՆ-ի Կոնգրեսում Լեռնային Ղարաբաղի անկախության հանրաքվեի 22-րդ տարեդարձին նվիրված արարողությանը հարգանքի տուրք է մատուցել Ներկայացուցիչների Պալատի Արտաքին հարաբերությունների հանձնաժողովի նախագահ Էդ Ռոյսը: Այս մասին տեղեկացնում է Ամերիկայի Հայ Դատի գրասենյակը:
Լեռնային Ղարաբաղի անկախության 22-րդ տարեդարձին նվիրված արարողությանը մասնակցել է նաև ԼՂՀ Ազգային ժողովի նախագահ Աշոտ Ղուլյանը և ԱՄՆ-ի արտաքին հարաբերությունների ոլորտի գործիչներ և ամերիկահայ համայնքի առաջնորդներ:
«Այսօր մենք Կապիտոլ Հիլում նշեցինք ԼՂՀ սերնդի ազատությունը: Մենք միավորվել ենք Կապիտոլ Հիլում՝ նշելու ազատ մարդկանց արտաքին իշախանությունից ազատագրվելու ժողովրդավարական հաղթանակը»,-նշել է Հայ դատի ԱՄՆ հանձնախմբի գործադիր տնօրենը Արամ Համպարյանը:
Էդ Ռոյսը անդրադարձել է Բաքվի սպառնալքիներին և ագրեսիային, ինչպես նաև քննադատել է Ադրբեջանի նախագահ Իլհամ Ալիևի՝ ադրբեջանցի սպա Ռամիլ Սաֆարովի ներում շնորհելու փաստը, ով ՆԱՏՕ-ի դասընթացների ժամանակ՝ քնած ժամանակ սպանել էր հայ սպա Գուրգեն Մրագարյանին: Նա նաև իր աջակցությունն է հայտնել տարածաշրջանի երկարատև խաղաղության որոնմանն ու ողջունել ԵԱՀԿ բանակցային գործընթացի վերսկումը: Նա նաև հույս է հայտնել, որ Արցախի ժողովուրդը երկարաժամկետ անվտանգություն և բարգավաճում կունենա:
Կոնգրեսական Ֆրենկ Փալոնեն, ով նույնպես ներկա է գտնվել միջոցառմանը, իր աջակցություն է հայտնել ԼՂ ժողովրդին և խոսել ԼՂ անկախության մասին:
Իր հերթին կորգրեսական Ջեքի Սպայերը նշել է, որ ցավալին այն է, որ Ադրբեջանի նախագահը փորձել էր այնպես անել, որ նա և իր գործընկեները միջոցառմանը չմասնակցեն, սակայն ապարդյուն:
Դեյվիդ Չիչլայնը վերահաստատել է իր հանձնառություները Լեռնային Ղարաբաղի ժողովրդին՝ ժողովրդավարական ձգտումների հարցում:
ԼՂ ժողովրդին իր աջակցությունն է հայտնել նաև Բրեդ Շերմանը: ԱՄՆ-ում ՀՀ դեսպան Թաթուլ Մարգարյանը շնորհակալություն է հայտնել ԱՄՆ Կոնգրեսին՝ ԼՂ-ին աջակցություն ցուցաբերելու համար:
«Վերջին 25 տարին մեզ շատ բան սովորեցրեց: Այն սովորեցրեց մեզ թույլ չտալ որևէ ոտնձգություն մեր ժողովրդի և մեր երկրի անվտանգությանը: Մենք միշտ ասել ենք և մենք պատրաստ ենք հաստատել, որ Արցախի անվտանգությունը չի կարող ենթարկվել սակարկության, և այսօր, նույնիսկ, ավելի քան քսան հինգ տարի առաջ, մենք պատրաստ ենք պաշտպանել մեր անկախությունն ու ազատությունը, բայց մենք շատ լավ գիտակցում ենք, որ ղարաբաղյան հակամարտության վերջնական կարգավորումը հնարավոր է միայն լիարժեք, ֆորմալ, քաղաքակիրթ և կառուցողական բանակցությունների միջոցով»,-նշել է ԼՂՀ Ազգային ժողովի նախագահ Աշոտ Ղուլյանը:
Լրահոս
Տեսանյութեր
Բագրատ Սրբազանը հանդես է եկել կոչով
