Ձեր վստահելի աղբյուրը

«Ansamed» պարբերականն անդրադարձել է Թուրքիայի ԱԳ նախարար Ահմեդ Դավութօղլուի Հայաստան կատարած այցին և տպագրել հոդված` «Թուրքիան բարելավում է Հայաստանի հետ հարաբերությունները ցեղասպանության հարցի շուրջ» խորագրով:

«Վերջին երկու տարիների ընթացքում հարևանների՝ Իրաքի, Իրանի և Ռուսաստանի հետ Սիրիայի հակամարտության պատճառով լարված և կրկնակի ճգնաժամ ունենալու համատեքստում, Թուրքիան փորձում է վարել առավել հաշտվողական տարածաշրջանային արտաքին քաղաքականություն Հայաստանի հետ: Թուրքիայի ԱԳ նախարար Ահմեդ Դավութօղլուն, ով 2009թ.-ից ի վեր առաջին անգամ՝ հինգշաբթի օրը այցելեց Հայաստան, կարևոր ժեստ է արել դեռևս զգայուն թեմայի՝ 1915-17թթ. Հայոց ցեղասպանության վերաբերյալ:

Նա ընդունել է, որ Թուրքիայում հարյուր հազարով հայերի տեղահանությունները «անմարդկային գործողություն է», ինչպե նաև «ամբողջովին սխալ»:

Այս բառերը, սակայն, հեռու են այն, ինչ ցանկանում են լսել Հայաստանը և Հայկական սփյուռքը: Նրանք ցանկանում են, որ Անկարան վերջապես ընդունի գրեթե 100 տարի առաջ 1.5 միլիոն հայերի մահը, որը շատ պատմաբաններ համարում են նացիստների կողմից իրականացված 20 տարի առաջ Հոլոքսոտի նման ցեղասպանություն:

Մի շարք արևմտյան պետություններ պաշտոնապես հայտարարել են, որ զանգվածային սպանություններն իրենց մեջ պարունակում են ցեղասպանության գործողություն, այդպիսով՝ բարկացնելով Անկարային: Ֆրանսիայում վերջերս ներկայացվեց օրենքի նախագիծ, համաձայն որի ժխտողները կհայտնվեն անազատության մեջ:

Որոշ վերլուծաբաններ կարծում են, որ իսլամիստ վարչապետ Էրդողանը հնարավոր է ցանկանում է կարևոր ժեստ անել այս հարցի շուրջ, քանի որ 2015թ.-ին լրանում է հայերի կոտորածի 100 ամյակը»,-գրում է պարբերականը:

Հիշեցնենք, որ 2009թ.-ից Հայաստանը նախաձեռնել էր հայ-թուրքական հարաբերությունների նորմալացման գործընթաց, ինչի արդյունքում Հայաստանի և Թուրքիայի միջև արձանագրություններ են ստորագրվել, որոնք նախատեսում էին դիվանագիտական հարաբերությունների հաստատում և սահմանների բացում: Սակայն Թուրքիայի խորհրդարանը առ այսօր չի վավերացրել արձանագրությունները՝ իրավիճակը տանելով փակուղի: