Ձեր վստահելի աղբյուրը

Կառավարության հավանությունն է ստացել «ՀՀ քննչական դեպարտամենտում պետական ծառայության մասին», «ՀՀ արդարադատության ակադեմիայի մասին» և ևս ավելի քան մեկ տասնյակ օրենքներում փոփոխություններ և լրացումներ կատարելու օրենքների նախագծերի փաթեթը, որի ընդունմամբ կամրապնդվի քննչական մարմինների անկախությունը, կմեծանա քրեական գործերի նախաքննության արդյունավետությունը և հնարավորություն կստեղծվի ՀՀ պաշտպանության նախարարությունում և ՀՀ ոստիկանությունում գործող քննչական մարմինների հենքի վրա կազմավորել միասնական քննչական մարմին:

ՀՀ արդարադատության նախարար Հրայր Թովմասյանն ասաց, որ քննչական կոմիտեին վերապահվելու է «Քրեական դատավարության» օրենսգրքով նախատեսված հոդվածներով քրեական նախաքննություն իրականացնելու լիազորությունը: Այս պահի դրույթամբ ՀՀ-ում նախաքննություն իրականացնում են 5 մարմիններ` Ոստիկանությունը, Պաշտպանության նախարարությունը, Հատուկ քննչական ծառայությունը, Ազգային անվտանգության ծառայությունը և Պետական եկամուտների կոմիտեն:

Նշվեց նաև, որ կոմիտեի նախագահը նշանակվելու է ՀՀ նախագահի կողմից` վարչապետի առաջարկությամբ:

Նախորդիվ`

«Սա առաջին քայլն է». Ա. Հովսեփյանը` միասնական քննչական կոմիտեում ՊԵԿ քննչական ծառայության չընդգրկվելու մասին

Նոր ստեղծվելիք Քննչական կոմիտեի կազմում օմբուդսմեն կաշխատի