Ձեր վստահելի աղբյուրը

Թուրքիայի վարչապետ Ռեջեփ Թայիփ Էրդողանը հրապարակել է կառավարության նոր կազմը: Լրագրողների հետ հանդիպման ժամանակ Էրդողանը տեղեկացրել է, որ կառավարությունում կատարվել է 10 փոփոխություն:

«Պրես թուրք» լրատվական կայքը ներկայացրել է փոփոխությունների ցուցակը.

1. Վարչապետի օգնական՝ Էմրուլլահ Իշլեր (Բեքիր Բոզդաղի փոխարեն):

2. Արդարադատության նախարար՝ Բեքիր Բոզդաղ (Սադուլլահ Էրգինի փոխարեն):

3. Ընտանիքի և սոցիալական հարցերով նախարար՝ Այշենուր Իսնալ (Ֆաթմա Շահինի փոխարեն):

4. Եվրամիության հարցերով նախարար՝ Մևլութ Չվուշօղլու (Էգեմեն Բաղըշի փոխարեն):

5. Էկոնոմիկայի նախարար Նիհաթ Զեյբեքչի (հրաժարական տված Զաֆեր Չաղլայանի փոխարեն)

6. Տեղեկատվական տեխնոլոգիաների նախարար՝ Ֆիքիր Ըշըք (Նիհաթ Էրգյունի փոխարեն):

7. Շրջակա միջավայրի և քաղաքաշինության նախարար ՝ Իդրիս Գյուլ Յուջե (հրաժարական տված Էրդողան Բայրաքդարի փոխարեն)

8. Ներքին գործերի նախարար՝ Էֆքան Ալա (հրաժարական տված Մուամմեր Գյուլերի փոխարեն):

9. Երիտասարդության և սպորտի նախարար՝ Ակիֆ Չաղաթայ Քըլըչ (Սուաթ Քըլըչի փոխարեն):

10. Կապի և տեղեկատվության նախարար՝ Լութֆու Էլվան (Բինալի Յըլդըրըմի փոխարեն):

Հիշեցնենք, որ դեկտեմբերի 17-ին Թուրքիայում հակակոռուպցիոն խոշոր օպերացիա էր իրականացվել, որի ժամանակ ձերբակալվել էին նախարարների ու գործարարների որդիներ: Սկանդալի պատճառով հրաժարական են տվել երկրի էկոնոմիկայի նախարար Զաֆեր Չաղլայանը, Ներքին գործերի նախարար Մուամեր Գյուլերը և քաղաքաշինության նախարար Էրդողան Բայրաքթարը: Շրջանառվում է տեսակետ, որ Թուրքիայի ներկառավարական ճգնաժամը կապված է Էրդողանի և գյուլենական շարժման առաջնորդ Ֆեթուլլահ Գյուլենի միջև ծագած հակամարտության հետ: