Ձեր վստահելի աղբյուրը

Արցախում կազմակերպված Ազգային վիճակախաղի խաղարկության արդյունքները կամփոփվեն այսօր: Արցախի կառավարությունից Panorama.am-ին տեղեկացրեցին, որ խաղարկությունը կմեկնարկի ժամը 11-ին և տևելու է մոտ 6 ժամ:

Խաղարկությունը հեռարձակվելու է համացանցով` վիճակախաղի պաշտոնական կայքում: Այս պահին վաճառվել է վիճակախաղի ավելի քան 250 000 տոմս:

Խաղարկությունը կանցկացվի վիճակախաղի կազմակերպման հանձնաժողովի անաչառ երաշխավորության ներքո, իսկ թափանցիկության ապահովման համար խաղաքարերի վիճակահանությունը կիրականացնեն Ստեփանակերտի տարբեր դպրոցներից առաջին դասարանի 72 աշակերտներ:

Արցախի կառավարության նախաձեռնած Ազգային վիճակախաղի ողջ շահույթն ուղղվելու է վերաբնակեցման ծրագրերին: Մայիսի 9-ից շրջանառության մեջ էր դրված վիճակախաղի 300 000 տոմս:

Շահումային ֆոնդը կազմում է 200 մլն դրամ, իսկ Ազգային պետական վիճակախաղի տոմսերի իրացումից ստացված մնացած շահույթը` շուրջ 300 մլն.-ը կուղղվի Արցախի Հանրապետության համայնքների, ենթակառուցվածքների զարգացման, հայրենադարձության, ռազմավարական հեռահար այլ ծրագրերին:

Հավելենք, որ Արցախի բնակչությունն այսօր արդեն մոտենում է 150.000-ի:

Նախորդիվ՝

Հողակտոր ու բնակարան Արցախում՝ մասնակցելով վիճակախաղին

2 ամսում իրացվել է Ազգային վիճակախաղի շուրջ 120 000 տոմս. Արթուր Աղաբեկյան