Ձեր վստահելի աղբյուրը

Միջազգային ԶԼՄ-ներն անդրադարձել են Թուրքիայում տեղի ունեցող ներքին զարգացումներին, ինչպես նաև վարչապետ Էրդողանի վարկանիշի անկմանը:

«Բի-Բի-Սի»-ն ՝  «Էրդողանի շրջադարձը տարբեր տեսակետների է հանգեցրել» խորագրի ներքո գրում է. «Թուրքիայում քննադատները տարբեր տեսակետներ ունեն Էրդողանի ներկա քաղաքական շրջադարձի մասին:

Մինչ շատերը ողջունում են այս ամենը, այն համարելով հավանական անարդարությունները ուղղելու հնարավորություն, շատերը թերահավատորեն են վերաբերվում այս ամենի դրդապատճառներին»:

«Al-monitor»-ը` «Էրդողանը «տարվա արդարության» առաջ է կանգնել» խորագրի ներքո գրում է. «Եթե ինչ-որ մեկը արդարության պահը փոխարինի «2014թ. Տարվա արդարության» ապա կարելի է ասել, որ «Տարվա արդարությունը եղավ այն, որ վերջ տրվեց Էրդողանի դարաշրջանին, քանի որ այնպիսի բառեր, ինչպիսիք են «Թուրքիա», «Էրդողան», որոնք հոմանիշներ էին, ապա «Տարվա արդարության» անվանումը կարող է քողարկել այս ամենը:

Մինչև 2013թ. կեսերը Էրդողանը համարվում էր անփոխարինելի առաջնորդ: Սակայն Գեզի զբոսայգու իրադարձությունները նրա երազանքներին վերջ տվեցին: Սակայն «ուժեղ և արդյունավետ» նախագահ դառնալու հաշվարկները նրա մոտ դեռ շարունակվում են:»:

«Deutsche Welle»-ն`  «Էրդողանի ընտանիքը ընկղմվել է կաշառակերության հետաքննության մեջ» խորագրի ներքո գրում է. «Կաշառկերության հետաքննության ընթացքում բացահայտվեց Թուրքիայի վարաչապետ Էրդողանի որդու Բիլալի և Սաուդյան Արաբիայի գործարարի հարբերությունները:

Ընդդիմադիր «Ժողովրդահանարապետական» կուսակցությունը անդամ Ուգուր Բայարքթութան պահանջել է Էրդողանից հրապարակել իր ընտանիքի և Սաուդյան Արաբիայի գործարարի Յասիլ ալ Կադիի հետ կապերի մասին: Մեկ ամվա ընթացքում Էրդողանը պետք է կատարի պահանջը:

«Ալ Կադիին այստեղ եղել է անօրինական կերպով, մենք նկարներ ունենք և կարող ենք այն ապացուցել»,-նշել է ընդդիմադիր բգործիչը:

ԱՄՆ իշխանությունները Յասին Ալ-Քադիին կասկածում են «Ալ-Քաիդային» աջակցելու մեջ»:

«The Australian»  պարբերականը «Էրդողանը բյուզանդական ճգնաժամի առաջ է կանգնել» խորագրով հոդվածում գրում է. «Ցավալի է, որ Թուրքիայի վարչապետ Ռեջեփ Թայիփ Էրդողանը, բյուզանդական կոռուպցիոն սկանդալի հարցում լինելով այդքան անզիջում և դաժան, սպառնում է կլանել նաև այս սկանդալում իր կառավարությանը: 10 տարիների ընթացքում նա կարողացավ փոխակերպել երկիրը՝ քաղաքական կայունություն, նախանձելի տնտեսական առաջընթաց, որն արժանացել էր միջազգային հանրության գովասանքին, սակայն այս ամենը հիմա վտանգաված է:

Բնականաբար, նա մտահոգվում է իր կողմից ղեկավարվող «Արդարություն և Զարգացում» կուսակացության ճակատագրի մասին մարտին կայանալիք տեղական կառավարական ընտրությունների ժամանակ: Եվ նա որոշել էր նաև այս տարի դառնալ նախագահ»:

Նշենք, որ Թուրքիայի իշխանություններն աշխատանքից ազատել են Անկարայի ոստիկանության 350 աշխատակցի: Սա համարվում է Ռեջեփ Թայիփ Էրդողանի գլխավորած կառավարության պատասխան քայլը, որի անդամների նկատմամբ կոռուպցիայի գործով հետաքննություն է ընթանում։ Նրանցից 80-ը զբաղեցնում էին ղեկավար պաշտոններ։

Ավելի վաղ, Թուրքիայում անվտանգության մարմինների «Մեծ կաշառք» կոչված գործողությունների արդյունքում ձերբակալված 50-ից ավելի մարդկանցից 14-ի նկատմամբ դատարանը կալանավորման վճիռ է կայացրել: Նրանց թվում են Թուրքիայի ներքին գործերի նախարար Մուամար Գյուլերի որդին` Բարըշ Գյուլերը, էկոնոմիկայի նախարար Զաֆեր Չաղլայանի որդին` Սալիհ Քաան Չաղլայանը, «Հալք» բանկի տնօրեն Սուլեյման Արսլանը և գործարար Ռեզա Զարրաբը: