Ձեր վստահելի աղբյուրը

«Բարի ձմեռ պապ» ծրագրով կանցկացվի «Լավագույն նամակներ» մրցույթ, որտեղ կներկայացվեն սահմանամերձ գյուղերի դպրոցականների` Ձմեռ պապին գրած նամակները:

Կայքում այս ընթացքում նամակների քվերակություն էր ընթանում` 1-10 բալային սանդղակով:

Ծրագիրն իրականացնող «Համաչափ Զարգացում» Համայնքային զարգացման հասարակական կազմակերպության նախագահ Մակար Եղիազարյանը Panorama.am-ի թղթակցին տեղեկացրեց, որ կայքի այցելուների ամենաշատ ձայները հավաքած 5 նամակաների հեղինակները կստանան հատուկ նվերներ` արժեքավոր խաղալիքներ:

Այս փուլի ավարտից հետո ևս մեկ մրցույթ է կազմակերպվելու: «Լավագույն աշակերտ» մրցույթի շրջանակներում յուրաքանչյուր գյուղի 1-12-րդ դասարանների լավագույն աշակերտները կպարգևատրվեն հատուկ մրցանակներով:

Տարվա ընթացքում պայմաններ կստեղծվեն այդ երեխաներին կրթական, ժամանցային կամ այլ ծրագրերում ներգրավելու համար: Այս մասով ծրագրի նպատակն է խթանել երեխաների ուսման արդյունավետությունը, ստեղծել մրցակցային ուսումնական մթնոլորտ, հանգստի և ժամանցի միջոցներ:

«Սահմանամերձ գյուղերի դպրոցների տնօրենները կներկայացնեն 1-12-րդ դասարանների մեկական գերազանց սովորող աշակերտ: Ունենալու ենք հատուկ ֆոնդ, որը ուղղվելու է այդ երեխաներին: Մրցույթը կամփոփվի 2013-2014 ուսումնական տարվա ավարտից հետո»,- ասաց Մակար Եղիազարյանը:

Նպատակն է, որ սահմանամերձ գյուղերի երեխաները շարունակեն իրենց կրթությունը գյուղում և չտեղափոխվեն այլ բնակավայրեր, քանի որ սահմանամերձ գյուղերի դպրոցներն աշակերտներ չունենալու պատճառով տարեցտարի փակվում են:

Նախորդիվ`

«Բարի Ձմեռ պապը» սահմանամերձ գյուղերի դպրոցականներին է հասցրել նրանց խնդրած նվերները (Տեսանյութ)

Խաղալիք համակարգիչ, հեքիաթի գրքեր, լույսեր… Նամակներ Ձմեռ պապին` սահմանամերձ գյուղերի երեխաներից