Միջպետական և հանրապետական նշանակության ավտոճանապարհները բաց են
ՀՀ տրանսպորտի և կապի նախարարությունը տեղեկացնում է, որ հունվարի 14-ին` ժամը 09:30-ի դրությամբ, հանրապետության որոշ շրջաններում ձյուն է տեղում` Աշտարակ, Ապարան, Բաղրամյան, Արմավիր, Եղվարդ, Սևան, Կոտանք, Հրազդան, Արտաշատ, Մասիս, Արարատ, Գավառ, Մարտունի,Վարդենիս, Եղեգնաձոր, Մեղրի, Լաչին:
Ստեփանավանի և Նոյեմբերյանի ավտոճանապարհներին տեղ-տեղ առկա է մերկասառույց: Միջպետական և հանրապետական նշանակության ավտոճանապարհները բաց են:
Եղանակային դժվարություններից խուսափելու համար վարորդներին խորհուրդ է տրվում Թթու ջուր - Նավուր ճանապարհից 17:00-ից մինչև 07:00 առանց խիստ անհրաժեշտության չօգտվել: