Ձեր վստահելի աղբյուրը

Լեգենդար քառյակ Լիվերպուլից. Հունվարի 16-ին նշվում է «The Beatles»-ի համաշխարհային օրը: Նման որոշում 2001-ին կայացրեց ՅՈՒՆԵՍԿՕ-ն:

Calend.ru-ի հաղորդմամբ, ամսաթիվն անշուշտ պատահաբար ընտրված չէ: 1957 թվականի հենց այս օրը Լիվերպուլում բացվեց «The Cavern» ակումբը, որտեղից սկսեցին իրենց ճանապարհը դեռ այն ժամանակ ոչ հայտնի Ջոն Լենոնը (ռիթմ-կիթառ, սոլո-կիթառ, բաս-կիթառ, ստեղնաշար, փողային գործիքներ, հարվածային գործիքներ, վոկալ), Փոլ Մաքքարթնին (բաս-կիթառ, ստեղնաշար, հարվածային գործիքներ, կիթառ, վոկալ), Ջորջ Հարրիսոնը (սոլո-կիթառ, ռիթմ-կիթառ, կիթառ, ստեղնաշար, հարվածային գործիքներ, վոկալ) : Մի քանի տարի անց նրանց միացավ ապագա ևս մի բիթլ` Ռինգո Սթարը ((հարվածային գործիքներ, ստեղնաշար, վոկալ):

Այս կազմով նրանք աշխատեցին 8 տարի` թողարկելով 13 ալբոմ, դրանցում ընդգրկված յուրաքանչյուր երգ դարձավ հիթ:
Տարբեր ժամանակներում խմբի կազմում են եղել Փիթ Բեստը (հարվածային գործիքներ, վոկալ), Ստյուարտ Սատկլիֆը (բաս-կիթառ, վոկալ) և Ջիմի Նիկոլը(հարվածային գործիքներ)։

Բիթլզի ստեղծագործությունների մեծամասնությունը ստեղծված են համահեղինակային ու ստորագրված Ջոն Լենոնի և Փոլ Մաքքարթնիի անուններով։ Rolling Stone 500 ցուցակում առաջին տեղը զբաղեցնում է Sgt. Pepper’s Lonely Hearts Club Bandալբոմը (և ևս չորս ալբոմ առաջին տասնյակում)։ The Beatles ալբոմն ԱՄՆ-ում 19 անգամ ճանաչվեց պլատինե։ Խումբը նվաճել է Գրեմի 7 մրցանակ։ Let it Be ֆիլմն ստացավ երկու Օսկար մրցանակ։ Խմբի չորս անդամներն էլ, ի նշան երկրի առաջ իրենց արժանիքի, պարգևատրվել են Բրիտանական կայսրության շքանշանով։ Ըստ Rolling Stone ամսագրի՝ Բիթլզը «բոլոր ժամանակների 50 լավագույն կատարողների» ցուցակում զբաղեցնում է առաջին տեղը։

Բիթլզի անդամները դադարեցրին իրենց համատեղ աշխատանքը 1970 թվականին, չնայած դեռ 1967-ին Փոլը և Ջոնը շոուբիզնեսում կատարում էին սեփական նախագծերը։ Իսկ խմբի լուծարումից հետո խմբի անդամներից յուրաքանչյուրը շարունակեց իր սոլո կարիերան։ 1980 թվականին սեփական տան մոտ սպանվեց Ջոն Լենոնը, 2001-ին քաղցկեղից մահացավ Ջորջ Հարրիսոնը։

Իրական երաժշտասերների ականջներում այսօր ողջ օրը պետք է հնչի «Yesterday»-ը, «Yellow Submarine»-ը, «Let It Be»-ն կամ բոլոր ժամանակների ամենասիրված ու ամենահայտնի խմբի այլ ստեղծագործություններ: