Ձեր վստահելի աղբյուրը

 Պատերազմից խույս տված հազարավոր սիրիացի ուսանողներ այժմ կանգնած են իրենց ուսումը շարունակելու դժվարության առջև: Այդ նպատակով ՄԱԿ Քաղաքակրթությունների երկխոսության հարցերով նախկին բարձրագույն հանձնակատար Խորխե Սամփայոն այլ կազմակերպությունների հետ հիմնադրեց Սիրիացի ուսանողների համար համաշխարհային գործընկերությունը (Global Partnership for Syrian Students), որի նպատակն է լուծել այս ուսանողների կրթաթոշակի վճարման հարցը, ինչպես նաև օգնել, որպեսզի իրենց ապաստանած երկրներում ուսանողները կարողանան շարունակել իրենց կրությունը: Այս ծրագրին մինչև 2015 թվականը օժանդակելու է Գյուլբենկյան հիմնադրամը ` հալեպահայ աշակերտներին տրամադրելով մոտ 200.000 եվրո: Գրում է «Եռագոյն» կայքը:

Հղում կատարելով հիմնադրամին, հայտնում է նաև, օգնություն է տրամադրվելու  Հայաստանում ապաստանած սիրիահայ ուսանողներին:

Այստեղ գտնվող շուրջ 350 սիրիացի ուսանող պետք է ստանան Գյուլբենկյան հիմնադրամի հայ համայնքների բաժանմունքի աջակցությունը:

Սիրիայում նախակրթական և միջնակարգ դպրոցները նույնպես պատերազմի հետևանքով մեծ վնասներ են կրել: Հիմնադրամը այդպիսի 22 դպրոցների համար շուրջ 1250 հազար եվրո գումար կտրամադրի, որպեսզի հազարավոր երեխաներ կարողանան իրենց ուսումը շարունակել:
Գալուստ Գյուլբենկյան հիմնադրամի խնամակալների խորհուրդը դեռ 2013 թվականի նոյեմբերին որոշել էր սիրիահայերին տրամադրել 120 հազար եվրո օգնություն, որը լինելու է Բերիոյ թեմի առաջնորդ Շահան արք. Սարգիսյանի գլխավորությամբ գործող մի խումբ կազմակերպությունների վերահսկողության տակ:

Գյուլբենկյան հիմնադրամի հայ համայնքների բաժանմունքի կողմից տրամադրված գումարը պետք է ուղղվի ոչ միայն Հալեպի համայնքի վերականգնմանը, այլև մյուս համայքնենրին, այդ թվում Դամասկոսի հայությանը: Հիմնադրամը անցած տարի Սիրիայից մեկնած գաղթականներին հատկացրել էր 80 հազար եվրո: