Ձեր վստահելի աղբյուրը

Երևանում տեղադրված մի շարք էլեկտրոնային չվացուցակներ որոշ ժամանակ աշխատելուց հետո անջատվեցին: Մի մասի վրա հայտնվել էր կապույտ էկրան և գրություններ, որոնց համաձայն համակարգը ծրագրային խնդիրներ ուներ:

Windows-ի հետ կապված նման ծրագրային խնդիրներ ունեցող չվացուցակներից մեկը` Մաշտոցի պողոտայում, երկու շաբաթից ավելի միացված էր, վրան` նշված խնդիրը, որոշ ժամանակ անց չվացուցակն առհասարակ անջատվեց:

Panorama.am-ը Երևանի քաղաքապետարանից հետաքրքրվել է, թե ինչու են անջատված չվացուցակները և արդյոք դրանք շարքից դուրս են եկել:

Երևանի քաղաքապետարանին ուղղված մեր հարցմանն ի պատասխան, «Երևանի կառավարման տեխնոլոգիաների կենտրոն» ՓԲ ընկերությունից տեղեկացրել են, որ էլեկտրոնային չվացուցակներից որևէ մեկը շարքից դուրս չի եկել, սարքավորումները բավականին բարձրորակ են (արտադրված են Եվրոպայում):

«Տեղադրված սարքավորումներից մի քանիսը դեռ գործարկված չեն կամ փորձնական են գործարկված, քանի որ տվյալ կանգառով անցնող երթուղիները դեռ կահավորված չեն կամ մասնակի են կահավորված GPS սարքերով»,- ասված է պատասխանում:

Քաղաքապետարանից մեզ նաև տեղեկացրել են, որ առաջիկայում ևս 30 կանգառներ կկահավորվեն Էլեկտրոնային չվացուցակներով:

Կարդացեք նաև`

Խանջյան փողոց. Փչացած չվացուցակ

Երևանում գործարկվել է 19 էլեկտրոնային չվացուցակ