Ձեր վստահելի աղբյուրը

Տավուշի մարզի Աղավնավանք համայնքի ղեկավար Վարդուշ Ներսիսյանը 2003թ-ից ղեկավարում է համայնքը, սակայն մարտի 9-ին կայանալիք ընտրություններում այլևս որոշել է չառաջադրել իր թեկնածությունը: Panorama.am-ի հետ զրույցում տիկին Ներսիսյանն ասաց, որ կնոկրետ պատճառ չկա  նման որոշման համար:

«Պարզապես մեր մարզի կին համայնքապետերից միայն ես էի, մնացել էի մենակ ու որոշեցի, որ չեմ առաջադրվի»,- նշեց նա:

Մեր դիտարկմանը, թե  հակառակը, պետք է ստիմուլ լիներ իր համար ու մյուս կանանց, որ առաջադրվեն, Աղավնավանքի գործող ղեկավարը միայն ասաց. «Դե… հիմա չեմ առաջադրվել, ամսի 7-ը վերջին օրն էր, չառաջադրվեցի»,- միայն ասաց նա:

Քանի որ առաջադրված թեկնածուների թվում կին չկա, մարտի 9-ի ընտրություններից հետո Տավուշի այս պահի դրությամբ միակ համայնքը, որն ուներ կին ղեկավար, այլևս այդպիսին չի լինի:

Նախորդիվ` Տավուշ. 67 համայնքից միայն մեկի ղեկավարն է կին