Ձեր վստահելի աղբյուրը

«Շենքը կարող է պահպանվել դարեր շարունակ, ուղղակի պետք է այն խնամել: «Զվարթնոց» օդանավակայանի ուղևորային հին համալիրն ընդամենը խնամքի կարիք ունի»,-այսօր լրագրողների հետ հանդիպման ժամանակ ասաց ճարտարապետ Գուրգեն Մուշեղյանը:

«Զվարթնոց» օդանավակայանի հին շենքի քանդման խնդրի քննարկմանը ներկա ճարտարապետ Զոհրաբ Բաուերն էլ նշեց, որ պետք է պատասխան տրվի, թե ինչու չեն տարվել խնամքի համապատասխան աշխատանքներ. «Խնդիրը իրավական դաշտում է, այն պետք է լուծվի, ոչ մի շահագործող չի մտածելու այս մասին»:

Ճարտարապետ Սարհատ Պետրոսյանն էլ ասաց, խնդրին լուծում տալու համար կառավարության դուռը չպետք է թակել, այլ պետք է հարցը քննարկել շահագործողի հետ. «Շենքի պահպանությունը ելակետ պետք է ընդունել և լուծումներ գտնել, իսկ հանրային քննարկումներ պետք էր անցկացնել մինչ որոշում ընդունելը»:

Ճարտարապետների համոզմամբ, սա մի ամբողջ ժամանակաշրջանի պատմություն է, ժամանակաշրջանի համար լավագույն գործ, որն իր չափանիշներով ժամանակին մշակութային հուշարձան էր համարվում:

Նախորդիվ`

«Զվարթնոցի կլոր շենք»-ի հետ կապված ՀԽ-ն իր հերթին քննարկելու է Կոնցեսիոների առաջարկները