Ձեր վստահելի աղբյուրը

Մաքսային միությանը Հայաստանի անդամակցությունը տնտեսության զարգացման անսպառ հնարավորություններ է ընձեռում: Երկրապահ կամավորականների միության 10-րդ համագումարից հետ կայացած հարցուպատասխանի ժամանակ այս մասին նշեց ՀՀ նախագահ Սերժ Սարգսյանը:

«Կարծում եմ լավ կինի: Մենք արդեն մտել ենք որոշակիության դաշտ: Ինչքան էլ մենք ասենք, որ Մաքսային միությանը անդամակցությունը անցել է հարթ, առանց որևէ խնդիրների, այնուհանդերձ, հասարակության մեջ և ներդրողների համար կար անորոշություն, թե ինչ ուղղություն ենք ընտրելու, ինչի է դա բերելու:Մենք արդեն ունենք որոշակիություն, ունենք կոնկետ ծրագրեր և այս որոշակիությունն ու կոնկրետ ծրագրերը մեզ հուշում են, որ մենք կարողանալու ենք շատ ավելի մեծ առաջընթաց ունենալ: Եթե մենք 2013 թ.-ին մեր գործընկեր երկրներում տնտեսական աճի դանդաղեցման ֆոնին ունեցել ենք արտահանման 7,2 % աճ, ապա անդամակցելով Մաքսային Միությանը` շատ ավելի մեծ աճ ենք կարողանալու ապահովել, որովհետև այդ 7,2 %-ի առյուծի բաժինը ընկնում է հենց Մաքսային միության անդամ երկրներին` կոնկրետ Ռուսաստանի դաշնություն արտահանումը 2013 թ ավելացրել ենք 20 %-ով»,- ասաց Ս. Սարգսյանը:

Երկրի ղեկավարի խոսքերով` Հայաստանի` Մաքսային միությանը անդամակցությունը տնտեսության զարգացման անսպառ հնարավորություններ է ընձեռում:

«Հնարավորությունները ներկայումս դարձել են անսպառ: Ահռելի շուկա` 3 մլն ժողովրդի, մեր տնտեսության համար բացվել է գրեթե 200 մլն շուկա, գրեթե նույն հնարավորություններով: Մենք անպայման օգտվելու ենք դրանից»,- հավելեց Հանրապետության նախագահը:

Երկրի ղեկավարը խոսեց նաև 2014 թ նախատեսված տնտեսական միջոցառումնեի մասին:

«Այս ժամանակահատվածի համար մենք ունենք ծրագրեր տեխնոլոգիաների բնագավառում, որը Հայաստանում ավանդաբար աճում են 15-20 %: 2014 թ ավարտելու ենք լեռնաարդյունաբերության ոլորտում մի մեծ ծրագիր, որի ուղղությամբ աշխատում ենք տարիներ շարունակ: Դա հնարավորություն է տալու Հայաստանում արտադրել 80-100 տոննա պղնձի խտանյութ, իսկ դա այն կրիտիկական քանակն է, որ հնարավորություն է տալիս ունենալու մեծ պղնձաձուլարան: Դա իր հերթին հնարավոր է միայն ծծմբաթթվի վերաշակման գործարան ունենալով: Լեռնաարդունահանման ոլորտում մենք ունենալու ենք զգալի աճ:

«Եթե որոշ սադրիչներ մոլորության մեջ չգցեն Նաիրիտի աշխատողներին, ապա մենք անկախ որևէ հանգամանքից այս տարի` ամենայն հավանակությամբ, սկսելու ենք նոր Նաիրիտի կառուցումը, գոնե նախագծահաշվարկային աշխատանքները, նախնական պայմանագրերը կան, և հնարավորության դեպքում հին Նաիրիտի գործարկում: Սա ևս շատ մեծ հնարավորություն է ընձեռնում մեզ:

2014 թ արդեն առարկայական է դառնում դեռևս 2013 թ սկսած մեծ ծրագիրը Գեղարքունիքի մարզում ձկնաարդյունաբերական մեծ համալիրի ստեղծման ուղղությամբ, որի նպատակն է 2019 թ ունենալ 50000 տոննա ձկան արտադրություն և վերամշակում: Իսկ սա մեծ տնտեսական շրջանառություն է, որ նաև մեծ թվով աշխատատեղեր բացում Գեղարքունիքի մարզում:

Մենք ունենք լուրջ ծրագրեր ջերմոցաշինության զարգացման գործում, մենք նաև որոշակի հաջողություններ ունեցանք 2013 թ: Նաև հենց դրա շնորհիվ աճեց Ռուսաստանի Դաշնություն արտահանումը: 2014 թ մենք այստեղ բավականաչափ մեծ ավելացում ենք ունենալու: Մենք ունենք ծրագրեր թեթև արդյունաբերության ոլորտում, մեր տնտեսական աճում թեթև արդյունբերության աճը բավական մեծ տեղ ունի»,- ասաց Ս. Սարգսյանը:

Նախորդիվ` 

Սերժ Սարգսյան. Պրոբլեմը լուծվում է աշխատանքով