Ձեր վստահելի աղբյուրը

«Մեր նախաձեռնությունը, որով մենք հանդես եկանք, բազմաթիվ անգամ շեշտել ենք, որ քաղաքական մոտիվացիա չուներ, մեզ հետաքրքրում էր, թե ինչպես է ձևավորվել գազի գինը», -այսօր Ազգային ժողովում Գազամատակարարման համակարգի գործունեությունն ուսումնասիրող ժամանակավոր հանձնաժողով ստեղծելու մասին ԱԺ որոշման նախագծի քննարկման ժամանակ հայտարարեց ԱԺ ՀԱԿ խմբակցության քարտուղար Արամ Մանուկյանը:

Նա հստակեցրեց, որ իրենց մոտեցումը եղել է հետևյալը. «Բացել այն գաղտնիքները, որ մինչև այս պահը այդ ոլորտում գաղտնիք է: Ինձ հանձնաժողովի կազմն էլ չի հետաքրքրում, մեր մոտիվացիան գաղտնիքները բացահայտելն է»:

Սակայն խորհրդարանական մեծամասնության առաջարկը` հանձնաժողովի նիստերը դռնփակ անցկացնելը, ըստ Մանուկյանի, չի բացահայտի ոլորտում եղած գաղտնիքները:

«Դուք հիմա շարունկում եք կառավարության գործելաոճը` ամեն ինչ պահել գաղտնի: Հանձնաժողովը պաշտպանված կլինի այն դեպքում, երբ բաց լինի: Փակի դեպքում կառավարությունը ճնշելու է Ձեզ, իսկ բացի դեպքում կասեք` Արամը յազվություն ա անում, թղթեր ա բերում: Դուք մեզ ուզում եք տանել մի արգահատելի գործընթացի, ինչի զոհն ենք մենք, հենց այդ գաղտնիության արդյունքում է, որ ունեցել ենք կորուստներ այս ոլորտում: Մենք կողմ չենք դռնփակ նիստին: Դուք մեզ փակով ուզում եք քաշեք ուրիշ տեղ, մենք չենք գա ըտեղ», -հայտարարեց Արամ Մանուկյանը:

Նախորդող հրապարակումներ`

Խորհրդարանական մեծամասնությունը գազի մասին հարցը առաջարկում է քննարկել դռնփակ

«Բարգավաճ Հայաստանը» գազի մասին ժամանակավոր հանձնաժողովի աշխատանքներին կմասնակցի միայն մեկ պայմանով