Ձեր վստահելի աղբյուրը

«Hurriyet Daily News»-ն անդրադարձել է Թուրքիայում տեղի ունեցող ներքաղաքական զարգացումներին և «Թուրքիան քաոսի մեջ է ընկղմվում» խորագրով հոդված տպագրել:

Ստորև ներիկայացնում ենք հոդվածը՝ որոշ կրճատումներով.

«Թուրքիայում իրավիճակը վերահսկողությունից դուրս է եկել, քանի որ Արդարություն և Զարգացում կուսակցության վարչակազմը շարունակում է հասարակությանը պառակտել իր քինոտ քաղաքականությամբ, որն էլ ոչ մի կայունություն չի խոստանում ապագայի համար:

Մարդիկ կրկին փողոց  դուրս եկան, այն բանից հետո, երբ պարզ դարձավ, որ անցյալ մայիսին հակակառավարական ցույցերի ժամանակ գլխին ծանր հարված ստացած 15-ամյա տղան մահացել է:

Այն փաստը, որ կառավարությունը «մատը մատին չտվեց» տղայի սպանողին արդարադատությանը հանձնել, միայն բորբոքեց արդեն իսկ առկա զայրույթը:

Թուրքիայի իրավական համակարգը, որը հեռու էր կատարյալ լինելուց, փլուզվեց Էրդողան-Գյուլեն պայքարի արդյունքում:

Սոցիալական լարվածությունը Թուրքիայում, ամենայն հավանականությամբ, կշարունակվի, քանի որ Էրդողանի և նրա կառավարության անդամների քայլերը դա են խոստանում»: