«Կուտակային»-ՍԴ. Պարոն Հակոբյան, դուք որպես պատասխանող կողմ հանդես չեկաք. Կիմ Բալայանը` ԱԺ պատգամավորին
Սահմանադրական դատարանում «Կուտակային կենսաթոշակների մասին» ՀՀ օրենքի մի քանի դրույթների սահմանադրականության վիճարկման հարցի քննարկման ժամանակ ՍԴ անդամ Կիմ Բալայանը, դիմելով պատասխանող կողմի ներկայացուցիչ Հակոբ Հակոբյանին, հայտարարեց. «Պարոն Հակոբյան, դուք որպես պատասխանող կողմ հանդես չեկաք»:
Նա նկատի ուներ այն, որ Հակոբյանը որպես պատասխանող չկատարեց իր գործառույթը և դիմող կողմի ներկայացրած դիմումին հակափաստարկներ չներկայացրեց:
«Այնուամենայնիվ, մեկ հարցի պատասխանեք, մարդը, ով 73 թվականի դեկտեմբերի 31-ին է ծնվել, իսկ մյուսը` 74 թվականի հունվարի 1-ին: 74-ի հունվարի 1-ին ծնվածը ընկնում է պարտադիրի տակ, իսկ մյուսը, որը չի ընկնում, ուզում է միանալ այդ համակարգին: Եթե ցանկանում է միանալ, և պետությունը որևէ խրախուսական նորմ չի կիրառում, սա խտրական վերաբերմո՞ւնք է, ըստ Ձեզ, թե ոչ», - դիմելով Հակոբ Հակոբյանին, շարունակեց Կիմ Բալայանը:
Իշխանական պատգամավորը բացասական պատասխան տվեց:
«Ոչ, որովհետև խտրական վերաբերմունքը պետք է ունենա որոշակի դրսևորում»: Սակայն Կիմ Բալայանը ընդհատեց պատգամավորին և հարցը կրկնեց նույնությամբ և դարձյալ ստացավ բացասական պատասխան` «Ոչ»: Նրա խոսքով, խտրականություն այս պարագայում չկա, քանի որ պետությունը նրանց տալիս է «հավասար ու արժանի կենսաթոշակ»:
Հիշեցնենք` նախորդ տարվա դեկտեմբերի 17-ին Ազգային ժողովի Հ. Յ. Դաշնակցություն, «Ժառանգություն», «Բարգավաճ Հայաստան» և Հայ Ազգային կոնգրես խմբակցությունները դիմել էին Սահմանադրական դատարան՝ «Կուտակային կենսաթոշակների մասին» հունվարի 1-ից ուժի մեջ մտած որոշ դրույթներ, մասնավորապես, պարտադիր բաղադրիչը, հակասահմանադրական ճանաչելու համար: Արդեն այս տարվա հունվարի 24-ին Սահմանադրական դատարանը, մինչև գործի դատաքննության ավարտը, կասեցրեց «Կուտակային կենսաթոշակների մասին» օրենքի 76-րդ հոդվածի և 86-րդ հոդվածի 3-րդ մասի գործողությունները:
Նկատենք, որ օրենքի պարտադիր բաղադրիչը տարածվում է 1974 թվականից հետո ծնված ՀՀ քաղաքացիների վրա, որոնք այս տարվա հունվարի մեկից պարտավոր են իրենց աշխատավարձի նվազագույնը 5 տոկոսը տրամադրել կենսաթոշակային հիմնադրամներին: Քաղաքացիները, որոնց աշխատավարձը չի գերազանցում 500 հազար դրամը, կենսաթոշակ կկուտակեն իրենց աշխատավարձի 5%-ի չափով, իսկ պետությունը, իր հերթին, փոխանցում կկատարի 5%-ի չափով: Այն քաղաքացիներին, որոնց աշխատավարձը գերազանցում է 500 հազար դրամը, պետությունը կփոխանցի 25 հազար դրամ, իսկ քաղաքացին յուրաքանչյուր ամիս կկուտակի այնքան, որ իր և պետության կուտակումը կազմի աշխատավարձի 10%-ը:
Նախորդող հրապարակումներ`
«Կուտակային»-ՍԴ. Ի՞նչ երաշխիք կա, որ կուտակվող գումարների գնողունակությունը կպահպանվի 40 տարի հետո. հարց ԱԺ պատգամավորին
«Կուտակային»-ՍԴ. Արծվիկ Մինասյանը թվարկել է սնանկացած կուտակային ֆոնդերը և մատնանշել միջազգային փորձը
«Կուտակային»-ՍԴ. Ո՞ր համակարգին են կողմ դիմողները. ՍԴ անդամների հարցերը
Սահմանադրական դատարանն անցավ քննարկման հաջորդ փուլին
Արծվիկ Մինասյանը թվարկել է սնանկացած կուտակային ֆոնդերը և մատնանշել միջազգային փորձը
Ո՞ր համակարգին են կողմ դիմողները. ՍԴ անդամների հարցերը
Դիմող կողմը պնդում է` պարտադիր կուտակայինի ներդրման արդյունքում աղքատությունը կխորանա
Սահմանադրական դատարանում դիմող կողմը ձևակերպեց պահանջը
Սահմանադրական դատարանում մեկնարկել է վիճահարույց օրենքի հարցով քննությունը
53 փաստաթղթի փաթեթ միայն Կենտրոնական բանկից
Լրահոս
Տեսանյութեր
Ինչո՞ւ հանկարծ ՀՀ իշխանությունները որոշեցին խլել արցախցիների կենսաթոշակային խնայողությունները
