Թույլ տվեք ինձ գամ, ձեր առջև ծնկի իջնեմ, ներողություն խնդրեմ. Վարդան Պետրոսյանը դատարանում է
Կոտայքի մարզի ընդհանուր իրավասության դատարանում շարունակվում է Վարդան Պետրոսյանի գործով դատաքննությունը:
Նիստի ընթացքում Վարդան Պետրոսյանի փաստաբան Նիկոլայ Բաղդասարյանը հանդես է եկել միջնորդությամբ ու հայտարարել, որ մինչ օրս Վարդան Պետրոսյանը անօրինական կերպով է պահվում կալանքի մեջ, այն պատճառաբանված չէ, հետևաբար միջնորդում է անհապաղ ազատ արձակել Վարդան Պետրոսյանին, քանի որ նա օրենքի մի քանի խախտումներով է պահվում անազատության մեջ, փոխանցում է «ԳԱԼԱ» հեռուստաընկերությունը:
Դատարանում ելույթով է հանդես եկել Վարդան Պետրոսյանը. «Սա ճառ չի, սա ցուցմունք չի, մի մտածեք, որ սրանք հենց էնպես խոսքեր են, մի մտածեք, որ էդ մարդիկ միջնորդում են, որ ինձ ազատեն, անտակ է ձեր վիշտը, մեծ է ողբերգությունը, դիմում եմ մայրերին՝ խնդրում եմ, ես հասկանում եմ ձեզ, դուք ամեն ինչ կարող եք ասել, լավ կլիներ ես մեռած լինեի, ես դատվելու եմ անկախ ձեր ուզելուց կամ չուզելուց, ինձ էստեղ բերել են ծանր վիճակում: Կալանքը կիրառում են ծայրաստիճան վտանգավոր հանցագործների նկատմամբ, դուք մտածում եք, որ Վարդան Պետրոսյանը պետք է փախչի՞ էստեղից, փաստորեն հիմքեր չկան կալանքի համար, բայց պահում են կալանքի տակ: Քաղաքականանում է այս գործը, տպավորություն կա, որ վերևից կա հրաման Վարդան Պետրոսյանին լռեցնելու, ես հնարավորություն չունեցա ձեզ մոտենալու, խափանման միջոցը խափանեց իմ հանդիպումը: Հինգ ամիս չեմ խոսել, մի հեռուստատեսությամբ ասել եք, որ Վարդան Պետրոսյանը հրապարակավ ներում խնդրի, ես, սիրելի մայրեր, հիմա բոլոր հեռուստաընկերություններն էստեղ են, դուք կարծում եք՝ ես պիտի վախենամ, ամաչեմ, իհարկե ոչ, ես էլ հայր եմ, երեխա ունեմ, և հիմա ասել եմ՝ դուք ինձ էստեղ պահելով՝ ես գիտեմ՝ ինչ է մայր սգավոր, սրանով խափանվում է իմ մոտեցումը, մերձեցումը Ձեզ: Ու միևնույն է, թույլ տվեք ինձ, գամ ձեր առջև ծնկի գամ, ներողություն խնդրեմ: Հենց հիմա պատրաստ եմ»:
Սակայն տուժող կողմի փաստաբանն ու մեղադրող դատախազը առարկել են ներկայացված միջնորդության դեմ, իսկ դատարանը հեռացել է խորհրդակցական սենյակ` որոշում կայացնելու:
Դատական նիստն սկսելուց առաջ տուժող կողմից «Նիվա»-ի վարորդ Արթուր Հակոբյանն ու վթարի հետևանքով մահացած Էդգար Հակոբյանի մայրը` Աննա Կարապետյանը հուզմունքից վատացել է և ստիպված են եղել դատարան շտապօգնություն կանչել: Այդ պատճառով դատական նիստը մի փոքր հետաձգվել է:Նկատենք, որ այս դատական նիստում Վարդան Պետրոսյանի պաշտպանության համար արդեն իսկ ներգրավված են Ֆրանսիայից ժամանած փաստաբանները:
Մանրամասները` սկզբնաղբյուր կայքում:
Նախորդիվ`
Վարդան Պետրոսյանի մեքենայի արագությունից Էդվարդ և Էդգար Հակոբյանների թոքն ու լյարդը պայթել է. Տուժող կողմի արձագանքը
Լրահոս
Տեսանյութեր
ԱԺ նիստը մեկնարկեց մեկ րոպե լռությամբ՝ ի հիշատակ պատգամավոր Մհեր Սահակյանի
