Աշոտյանը ՄՄ անդամ լինելուց հետո կրթական նախաձեռնություններով հանդես գալու պատրաստակամություն հայտնեց
«Բոլոնյան գործընթացը, որպես եվրոպական կրթական տիրույթ, առաջացել է եվրոպական տնտեսական ինտեգրացման արդյունքում: Ռուսաստանը, Ղազախստանն ու Հայաստանը հանդիսանում են Բոլոնյան գործընթացի լիիրավ անդամ: Բելառուսը թակում է եվրոպական կրթական տարածության դռները»: Այսօր Երևանում ընթացող «Հայաստան-Մաքսային միություն. հնարավորություններ և մարտահրավերներ» խորագրով ՀՀԿ երկրորդ տնտեսական համաժողովի ժամանակ նման դիտարկում արեց ՀՀ ԿԳ նախարար Արմեն Աշոտյանը:
Նախարարը հարց ուղղեց` «արդյո՞ք Մաքսային միության շրջանակներում տնտեսական ինտեգրացիան կբերի նոր ունիկալ կրթական ծրագրի ՄՄ անդամ երկրների միջև, թե՞ կբավարարվենք հենց եվրոպական բարձրագույն կրթական տարածության շրջանակներում ինտեգրացիոն գործընթացներով»:
Միացյալ տնտեսական հանձնաժողովի մակրոէկոնոմիկայի և ինտեգրման հիմնական ուղղությունների կոլեգիայի անդամ (նախարար) Տատյանա Վալովայան ի պատասխան ասաց, որ այս պահին պայմանագրի պատրաստման ընթացքում ներառվում են միայն տնտեսական ինտեգրացիային վերաբերող կետեր:
Նա միևնույն ժամանակ կարևորեց բարձրագույն կրթության հատվածը և նշեց, որ պայմանագրում և դրան հարակից փաստաթղթերում ներառվել են բոլոր անհրաժեշտ կետերը, որոնք կապված են այն բանի հետ, որ անդամ պետությունների քաղաքացիները, կրթություն ստանալով այդ պետություններում և ունենալով իրենց դիպլոմները, կարողանան առանց որևէ հավելյալ խնդիրների աշխատանքի տեղավորվել այդ պետություններում:
«Դիպլոմների փոխճանաչման հարցերը շատ կարևոր են և դրանք տեղ կգտնեն այս պայմանագրում: Ավելին այն պահին չենք նախատեսում»,- ասաց նա` նշելով, որ ուշադրությունը տնտեսական հատվածի վրա է:
Տատյանա Վալովայան նաև կարծիք հայտնեց, որ տնտեսական ինտեգրացիայի հետագա զարգացումն անհնար է, եթե չլինեն ուղեկցող շարժեր տնտեսության հետ կապ ունեցող այլ ոլորտներում` նախ և առաջ, կրթության:
«Նման նախաձեռնությունների ժամանակը կգա և կգա շատ շուտով, քանի որ արդեն կա եվրասիական տնտեսական համայնք, որն անկախ իր խիստ տնտեսական անվանումից, ունի մի շարք համաձայնագրեր կրթության ոլորտում: Եթե այս ոլորտում խոսելով ինչ-որ առանձնահատուկ նախագծի մասին, ասեմ, որ իմ կարծիքով, եկել է ժամանակը այնպիսի նախագծերի, ինչպես օրինակ, «ՏԵՄՊՈՒՍ»-ը եվրոպական տիրույթում»,- ասաց նա:
Տատյանա Վալովայան նկատեց, որ իր սերունդի մեծ մասը սովորել է այսօրվա եվրասիական նախագծի տարածքում, ունեն շատ ընկերներ, որոնք մնացել են կրթություն ստանալու տարիներից: Նա կարևորեց այն, որ անդամ պետությունների հաջորդ սերունդը նույն կապվածությունն ունենա:
Միացյալ տնտեսական հանձնաժողովի մակրոէկոնոմիկայի և ինտեգրման հիմնական ուղղությունների կոլեգիայի անդամը ցանկություն հայտնեց, որ նման կրթական նախագիծ ստեղծելու նախաձեռնությամբ հանդես գա Հայաստանը` ՄՄ անդամակցությունից հետո:
Արմեն Աշոտյանն էլ արձագանքեց, որ «մեզ համար շատ կարևոր է բարձրագույն կրթության ոլորտում եվրոպական համագործակցության փորձը», քանի որ Հայաստանը ոչ միայն Բոլոնյան գործընթացի անդամ է, այլև 2012-2015 թթ-ն հանդիսանում էամբողջ եվրոպական տարածքում բարեփոխումների կոորդինատոր երկիր:
«Մենք վստահ ենք, որ Ռուսաստանում ևս կկուտակենք բարեփոխումների լավ փորձ: Այդ պատճառով մենք պատրաստ ենք հանդես գալ կրթական նախագծերի նախաձեռնություններով` եվրոպական բարձրագույն կրթության տիրույթի շրջանակներում, որոնք ուղղված են ինտեգրացիայի խորացմանը»,- ասաց նա:
Նախարարը նշեց, որ կրթության դերը նախևառաջ մտածողության ձևավորումն է, որը անհրաժեշտ կլինի ձևավորվելիք ՄՄ տարածքում:
Կից հրապարակումներ՝
ԱԺ փոխնախագահ. ՄՄ-ին անդամակցող պետությունները մեծ ներուժ ունեն
Նախանձով եմ հետևում հայկական պլանշետների արտադրությանը. Վալովայա
ՌԴ վարչապետ. Հաճույքով փաստում ենք, որ ճանապարհային քարտեզի կատարումն հաջողությամբ իրականացվում է
Ս.Սարգսյան. ՄՄ-ին անդամակցության ճանապարհին պարտավորությունների ավելի քան 70 %-ն արդեն կատարված են
Տ.Վալովայա. Արդեն այսօր կարելի է ասել, որ Հայաստանից արտահանման տեմպերն աճել են
Լրահոս
Տեսանյութեր
Թովմասյանը՝ Նանուշյանին. Նշել եք՝ ծրագրի իրականացումը պայմանավորված է օրենքով, բայց օրենքը չկա
