Ձեր վստահելի աղբյուրը

Էրդողանը խոստացել է հաշվեհարդար տեսնել իր թշնամիներից: Այս մասին տեղեկացնում է «Ռոյթերս» լրատվական գործակալությունը:

Թուրքիայի վարչապետ Ռեջեփ Թայիփ Էրդողանը, որ հայտարարել է ՏԻՄ ընտրություններում «Արդարություն և զարգացում» կուսակցության հաղթանակի մասին՝ չսպասելով ընտրական հանձնաժողովի պաշտոնական տվյալներին, ասել է, որ կներխուժի «թշնամիների որջը», որոնք իրենց թույլ են տվել իրեն կոռուպցիայի մեջ մեղադրել:

«Նրանք պատասխան են տալու»,-նշել է Էրդողանը:

Էրդողանն իր 12 տարվա իշխանության օրոք ամենամեծ մարտահրավերի դեմ առ դեմ էր կանգնել:

Ընտրատեղամասերի փակվելուց հետո, Էրդողանը դուրս է եկել «Արդարություն և զարգացում» կուսակցության շտաբ-բնակարանի պատշգամբ: Հրապարակում նրան կուսակցության մի քանի տասնյակ հազար կողմնակից է դիմավորել: Իր խոսքոմ Էրդողանն ասել է, որ նրանք, ովքեր իրեն մեղադրել են կոռուպցիայի մեջ, «կհատուցեն իրենց արածի համար: Վաղվանից, կլինեն ոմանք, ովքեր կփախչեն»:

Ընտրական քարոզարշավի ժամանակ պայքարն ընթանում էր Էրդողանի և նրա նախկին դաշնակից Ֆեթուլահ Գյուլենի միջև: Գյուլենն օգտագործում էր իր դատական և ոստիկանության համակարգում առկա աջակիցներին` Էրդողանին պաշտոնաթող անելու համար:

Նշենք, որ ընտրություններում Էրդողանի կուսակցությանը հաջողվել է հաղթել՝ չնայած կոռուպցիոն սկանդալին և Twitter-ի ու YouTube- արգելափակումներին:

Նախորդիվ`

Թուրքիայի նախագահը հայտարարել է, որ գաղտնալսում իրականացնողները կբացահայտվեն և կպատժվեն