Ձեր վստահելի աղբյուրը

ԱՄՆ Ներկայացուցիչների պալատի արտաքին կապերի կոմիտեի նախագահ Էդ Ռոյսը սատարում է կոնգրեսական Էլիոթ Էնգելի HR4347 օրինագծին, որը պահանջում է Օբամայի վարչակազմից ամենամյա զեկույցներ ներկայացնել Թուրքիայում յուրացված քրիստոնեական եկեղեցիների ու քրիստոնյաների գույքի կարգավիճակի մասին: Այս մասին տեղեկացնում է Ամերիկայի Հայ Դատի գրասենյակի պաշտոնական կայքը:

Նրանք ներկայացրել են երկկուսակցական կրոնական ազատության վերաբերյալ օրինագիծը (HR4347): Այս քայլը ողջունել է Ամերիկայի Հայ Դատի հանձնախումբը:

«Ամերիկահայերը՝ աշխարհի քրիստոնեություն ընդունած ժողովրդի որդիներն ու դստրերը, միացել են տարբեր կրոնների ընկերներին՝ ողջունելով Ռոյեսի՝ Ռոյս-Էնջելի` Թուրքիայի քրիստոնեական եկեղեցիները համար պատասխանատվության վերաբերյալ ակտին»,-նշել է Աերիկայի Հայ Դատի հանձնախմբի (ANCA) նախագահ Քեն Խաչիկյանը:

Ամերիկյան հզոր աջակցության պահանջարկը փոքրամասնությունների և դավանանքի ազատության իրավունքների պաշտպանության ոլորտում կտրուկ աճեց անցած շաբաթ, երբ հայտնի դարձավ Քեսաբի դեմ հարձակումներում Թուրքիայի դերի մասին: Քեսաբը Հայոց ցեղասպանության միակ և վերջին վկան է: Օրինագծի ընդունումն ազդակ կլինի Անկարայի համար, որ նա պետք է կասեցնի իր հակաքրիստոնեական գործողություններն ու հաշտեցման գործընթաց սկսի հայերի, սիրիացիների, կիպրոսցիների, Պոնտոսի հույների և ցեղասպանությունների այլ զոհերի հետ՝ ստանձնելով բարոյական, նյութական ու իրավաբանական պարտավորություններ:

Կոնգրեսական Ռոյսը այս բանաձևը ներկայացնելու ժամանակ հայտարարել է. «Օրենքը պատասխանատվության կկանչի Թուրքիային` մարդու իրավունքների պաշտպանության միջազգային պարտավորությունները չկատարելու համար: Օրինագիծը նաև վեր կհանի եկեղեցական գույքն օրինական տերերին վերադարձնելու հարցում թուրք ղեկավարների չկատարված խոստումները: Տասնամյակներ շարունակ քրիստոնեական եկեղեցիները դաժանորեն քանդվել են, կամ ապօրինաբար առգրավվել են թուրքական իշխանությունների կողմից տարբեր պատրվակներով: Եկեղեցիները թալանվել են, վերածվել են մզկիթների, կազինոների:

Նրանց անուղղելի վնաս է հասցվել: Խոցելի կրոնական փոքրամասնություններն ավելիին են արժանի, քան ուղղակի թալանված գույքի մասնակի վերադարձն է: Կարևոր է, որպեսզի ԱՄՆ-ն առաջիկայում ևս ստիպի թուրք առաջնորդներին` կատարելու ստանձնած պարտավորությունները և անհապաղ վերադարձնել ամբողջ եկեղեցական գույքը: Թուրքիայում կրոնական հանդուրժողականության ու դավանանքի ազատության պաշտպանության օրինագիծը դիվանագիտական առավելություն կդառնա ԱՄՆ համար»:

«Թուրքիայի Հանրապետությունը պետք է վերադարձնի ապօրինաբար ազգային համայնքներից առգրավված եկեղեցիներն ու գույքը օրինական տերերին: Թուրքիայի հայկական, սիրիական և հունական ուղղափառ համայնքները տարիներ շարունակ պայքարում են առգրավված գույքը վերադարձնելու համար: Այդ համայնքների պահանջները պետք է հարգանքի ու համալիր լուծման արժանանան: Մեր օրինագիծը կոչ է անում Թուրքիայի Հանրապետությանը կատարել միջազգային պարտավորությունները, իսկ ԱՄՆ-ին հորդորում է եկեղեցիների վերադարձի հարցը դարձնել քաղաքականության գերակայություններից մեկը», -նշել է Էնգելը: