Նոր անակնկալ` Orange Բարև կանխավճարային բաժանորդների համար
Համարների տեղափոխելիության ծառայությունը, որը շարժական կապի բաժանորդներին հնարավորություն է տալիս օգտվել նախընտրած օպերատորի ծառայություններից՝ պահպանելով իրենց ամբողջական համարը, այժմ արդեն հասանելի է Հայաստանում: Ծառայության մեկնակի կապակցությամբ անակնկալների շարքը շարունակելով՝ Orange-ն այսօր ներկայացրել է մի նոր առաջարկ՝ կանխավճարային ծառայություններ նախընտրողների համար:
Օրանժ Արմենիայի մամուլի բաժնից տեղեկացնում են, որ բոլոր այն բաժանորդները, ովքեր մինչև մայիսի 3-ը կմիանան Orange Բարև կանխավճարային սակագնային պլանին, կստանան 50 000 դրամի նվեր՝ երկու տարվա ընթացքում ամսական 200 րոպե ցանցի ներսում զանգերի համար և 50 ՄԲ շարժական ինտերնետի ծավալ: Նշված րոպեներն ու շարժական ինտերնետի ծավալը ենթակա են սպառման 15 օրվա ընթացքում՝ տվյալ օրացուցային ամսվա շրջանակներում:
«Վերջերս մենք ամսական բաժանորդագրություններից օգտվող հաճախորդների համար ներկայացրեցինք նոր առաջարկներ: Այսօր մեկնարկող մեր առաջարկն Orange Բարև կանխավճարային սակագնային պլանը նախընտրող բաժանորդների համար է: Orange-ում մենք փորձում ենք ունենալ յուրաքանչյուր բաժանորդի պահանջմունքներին համապատասխան առաջարկների տեսականի, հատկապես հիմա, երբ մեկնարկած Համարների տեղափոխելիության ծառայությունը հնարավորություն է տալիս Orange-ի մեծ ընտանիքին միանալ առանց որևէ խոչընդոտի»,- ասել է Օրանժ Արմենիայի գլխավոր տնօրեն Ֆրանսիս Ժելիբտերը:
Առաջարկից կարող են օգտվել այն բաժանորդները, ովքեր իրենց համարները կտեղափոխեն Orange-ի ցանց՝ միանալով Orange Բարև սակագնային պլանին կամ նրանք, ովքեր ձեռք կբերեն նոր Orange-ի համար՝ ակտիվացնելով նշված սակագնային պլանը: Orange-ի այն բաժանորդները, ովքեր արդեն ակտիվացրել են Orange Բարև սակագնային պլանը, և նրանք, ովքեր այլ սակագնային պլաններից կտեղափոխվեն Orange Բարև սակագնային պլան, նույնպես կարող են օգտվել առաջարկից՝ հավաքելով *250#: Մանրամասները հասանելի են հետևյալ հղումով՝ http://www.orangearmenia.am/promos/gift-for-joining-to-orange-hello/
Հիշեցնենք, որ ապրիլի 1-ին, ողջունելով շարժական կապի համարների տեղափոխելիության ծառայության մեկնարկը Հայաստանում, Orange-ը ներկայացրել է հատուկ առաջարկ իր ամսական բաժանորդագրությունների բաժանորդների համար: Մինչև մայիսի 3-ն Orange-ի Դելֆին, Թիթեռ, Պանտերա 4 000 և ավելի բարձր սակագնով ամսական բաժանորդագրություններից որևէ մեկին 24 ամսով բաժանորդագրվելու դեպքում՝ ի լրումն ամսական ներառված փաթեթների, բաժանորդներն կստանան 150 000 դրամի նվեր՝ ամեն ամիս լրացուցիչ 60 րոպե ցանցից դուրս զանգերի համար և 200 ՄԲ հավելյալ շարժական ինտերնետի ծավալ: 12 ամսով բաժանորդագրվելու դեպքում՝ ամսական ներառված փաթեթներից բացի բաժանորդները կստանան 40 000 դրամի նվեր՝ ամեն ամիս լրացուցիչ 30 րոպե ցանցից դուրս զանգերի համար և հավելյալ 100 ՄԲ շարժական ինտերնետի ծավալ: