Ձեր վստահելի աղբյուրը

Ադրբեջանի պաշտպանության նախարարությունը հաղորդագրություն է տարածել, որում անդրադարձել է ղարաբաղ-ադրբեջանական զորքերի շփման գծում տեղի ունեցած արտակարգ պատահարին, ինչի հետևանքով նախնական տեղեկություններով 3 ադրբեջանցի զինծառայող է մահացել, ևս 4-ը` վիրավորվել էին:

«ԱՊԱ» լրատվական գործակալությունը հայտնում է, որ նոր հաղորդագրությունում նշվում է ոչ թե 4, այլ 6 վիրավորների մասին:

Վիրավորների թվում են նաև զինծառայողներ` Ալի Միրզոևն ու Մյուրսալ Զյուլֆյուգարովը:

Նշենք, որ ավելի վաղ, ադրբեջանական լրատվամիջոցները հայտնել էին, որ ականի պայթյունի հետևանքով կապիտան Ջեյհուն Օրուջալիևը, շարքայիններ` Նովրուզ Աբդուլլաևը և Սեյֆադդին Քերիմովը սպանվել են, Բահրուզ Մուսաևը, Սադիգ Ջաբրայիլովը, Էմին Թալիբովը և Ազեր Իսկանդերզաձեն տարբեր աստիճանի վնասվածքներով հոսպիտալացվել են:

Նախորդիվ`

Ադրբեջանական բանակ. 3 զոհ, 4 վիրավոր