Ձեր վստահելի աղբյուրը

Կոնգրեսական Ադամ Շիֆը ապրիլի 8-ին մամուլի ասուլիս էր հրավիրել, որի ժամանակ դատապարտել էր Սիրիայի հարևան Թուրքիայի օգնությամբ «Ալ-Կաիդայի» հետ առնչություն ունեցող ահաբեկիչների կողմից պատմական հայկական Քեսաբ գյուղի հարկադիր տեղահանությունը. գրում է «Ասբարեզը»:

Շիֆին միացել էին նաև կոնգրեսականների Ֆրանկ Փալոնեն, Ջուդի Չուն, Ջիմ Քոսթան, Աննա Էշուն և Բրեդ Շերմանը, ինչպես նաև Ամերիկայի հայ դատի հանձնախմբի գործադիր տնօրեն Արամ Համբարյանը:

«Պատերազմը սկսվելուց ի վեր ես շարունակաբար բարձրացրել են իմ անհանգստությունը սիրիահայերի և այլ քրիստոնյաների նկատմամբ վտանգի մասին: Ես դրա մասին խոսել եմ նախագահի (Բարաք Օբամայի, խմբ.) հետ, անցած շաբաթ հարցեր ուղղել ՄԱԿ-ում մեր դեսպանին և կոչ արել Հատկացումների հանձնաժողովին ժամանակ, ուշադրություն և միջոցներ հատկացնել Սիրիայի քրիստոնյա համայքներին օգնելու համար: Ես Սիրիայի քրիստոնյա համայնքին օգնելու հարցով դիմելու եմ ԱՄՆ Միջազգային զարգացման գործակալության (USAID) նախագահ Ռաջիվ Շահին»,-ասել է Շիֆը` միաժամանակ ընդգծելով, որ Քեսաբի հայերի մեծ մասը 1915 թվականի հայոց ցեղասպանության զոհերի ժառանգներն են:

Կոնգրեսական Շերմանը ուղղակի կոչ է արել ուսումնասիրել Թուրքիայի դերը` Քեսաբի վրա կատարված հարձակման գործում:

«Ես միանում եմ իմ գործընկերներին` կոչ անելով Հետախուզական կոմիտեին և Պետքարտուղարությանն ուսումնասիրել Թուրքիայի դերը «Ալ-Կաիդյաի» հետ կապված ահաբեկչական խմբավորումներին օգնելու և ապաստան տրամադրելու գործում, ովքեր էթնիկ զտումներ իրականացրին Քեսաբում»,-ասել է Շերմանը:

Ջիմ Քոսթան նշել է, որ սիրիացի քրիստոնյաները թանկ են վճարել այս քաղաքացիական պատերազմի ժամանակ, և մինչև մեկ ամիս առաջ Քեսաբն ապահով ապաստան էր փասխտականների համար:

«Ինձ համար շատ մեծ անհանգստություն է պատճառում այն տեղեկությունը, որ Թուրքիայի կառավարությունը օգնել է այդ ահաբեկիչներին` մատակարարելով զենք և զինամթերք»,-նշել է Քոսթանը:

«Մերձավոր Արևելքում ինչքան պատերազմ է եղել, քրսիտոնյաները միշտ եղել են թիրախում և առավել շատ են տուժել: Ապստամբների վերջին հարձակումը Քեսաբ գյուղի վրա Մերձավոր Արևելքում կատարվող իրադարձությունների ևս մեկ տխուր պատմության (խմբ.) գլուխ է: Ոչ մի սխալ թույլ չտալով` համայնքները, այս ապարագոյւմ հայ համայնքը, ընտրվեց թիրախ, որովհետև նրանք քրիստոնյաներ էին, իսկ այժմ նրանք միջազգային քաղաքականության խաղատախտակում են: Քանի որ մենք մոտենում ենք հայոց ցեղասպանության 100-ամյակին, սա նման է չսպիացած վերքի բացվելուն: Այն շատ խորն է և շատ լայն»,-եզրափակել է Էշուն:

Ջուդի Չուն նույնպես դատապարտել է Քեսաբի վրա Թուրքիայի սահմանից իրականացված հարձակումը:

«Մենք կրկին տեսնում ենք, որ քրիստոնեական համայնքը, այդ թվում և հայկականը, շատ խոցելի է: Դա պարզ դարձավ անցած ամիս, երբ իսլամիստ զինյալները Թուրքիայից հատեցին թուրք-սիրիական սահմանը և հարձակվեցին Քեսաբի վրա, որը ցեղասպանությունից հետո ապաստան էր հայերի համար: Դա մի վայր էր, որտեղից հայոց ցեղասպանության վերապրածները նոր կյանք սկսեցին: Դա ապաստան էր սիրիահայերի համար, ովքեր պատերազմի ընթացքում փախչել էին Հալեպից»,-ընդգծել է կոնգրեսական Չուն:|

Հանդիպման ժամանակ իր խոսքն է ասել նաև Ֆրանկ Փալոնեն, ով նշել է, որ ԱՄՆ-ն պետք է ավելի շատ օգնություն տրամադրի ոչ միայն հայերին, այլև Սիրիայի մնացած քրիստոնյաներին, ովքեր քաղաքացիական պատերազմի պատճառով հալածվել, հետապնդվել և ստիպված են եղել հեռանալ իրենց տներից:

Արամ Համբարյանը իր հերթին շնորհակալություն է հայտնել ամերիկացի օրենսդիրներին և շեշտել, որ այդ հարձակումն իրանանացվել է Թուրքիայից` Թուրքայի բանակի անմիջական օգնությամբ:

«Մենք պետք է զրո-հանդուրժողական քաղաքականություն վարենք ՆԱՏՕ-ի ցանկացած դաշնակցի հետ, որն աշխատում է «Ալ-Կաիդայի» հետ կապված խմբավորումների հետ, որոնք հարձակվում են կրոնական փոքրամասնությունների վրա: Այդ պատճառով մենք միջնորդագիր են ներկայացրել Սպիտակ տանը և Սենատի հետախուզական կոմիտեին` կոչ անելով ուսումնասիրել Թուրքիայի դերը Քեսաբի վրա կատարված հարձակման գործում: Մենք արժանի ենք իմանալ` միգուցե մեր դաշնակիցները կամ մեր զենքն ուղղվել են Մերձավոր Արևելքի քրիստոնյաների դեմ»,-եզրափակել է Հա Ամերիկայի հայ դատի հանձնախմբի գործադիր տնօրենը: