Ձեր վստահելի աղբյուրը

Թուրքիայի քաղաքականությունը Քեսաբի հարցում հստակ է, ցեղասպան երկիրը փորձում է բոլոր հարցերը լուծել այդ մեթոդով, եթե դիվանագիտական ճակատում հաջողություններ չի գրանցում: Այս մասին այսօր լրագրողների հետ հանդիպմանն ասաց թուրքագետ Կարեն Սիրունյանը:

«Թուրքական կողմի պետական պաշտոնական մտադրությունների մեջ է մտնում այդ գործելաոճը: Եթե մեր քարոզչությունը ճիշտ աշխատի, այդ ամենը դատապարտելի գործունեություն կորակվի: Սակայն Թուրքիան սրանով չի եզրափակվի, եթե ճիշտ քաղաքականություն վարենք քարոզչության դաշտում, կկարողանանք զսպել նրան»,- կարծիք հայտնեց թուրքագետը:

Անդրադառնալով ՀՀ Նախագահի հայտարարությանը՝ Սիրիայի պատերազմում չեզոք մնալու վերաբերյալ, Կարեն Սիրունյանը այն շատ ողջունելի համարեց. «Մենք կմասնակցեինք մարտական գործողություններին և կներքաշվեինք սադրանքների մեջ: Այս դեպքում մեր ազգի ներկայացուցիչների դեմ զինված հարձակում է եղել, պետք է հասնել, որ դատապարտվի դա»:

Ըստ թուրքագետի, մեր քաղաքացիների անվտանգության մասին պետք է ավելի վաղ մտածեինք, որպեսզի հիմա նման փաստի առաջ չկանգնեինք:

Կարեն Սիրունյանը նկատեց, որ Թուրքիայի ակտիվացումը նաև Հայոց ցեղասպանության 100-ամյակի հետ պետք է կապել: Նա հավելեց, որ Քեսաբի իրադարձություններից հետո Հայոց ցեղասպանության մասին փաստաթուղթ դրվեց ԱՄՆ-ում և Քեսաբի դեպքերը դատապարտող փաստաթուղթ՝ ԵԽԽՎ-ում:

Այս համատեքստում նա նշեց, որ Թուրքիան այսօր բռնել է հզորացման ճանապարհը, իսկ դա տանելու է ներքին և արտաքին քաղաքականության անկախացմանը, որը ձեռնտու չէ գերտերություններին և դրան հակազդող քայեր են արվելու. «Թուրքիան նեոօսմանական քաղաքականություն է վարում, ինչը անում է նաև Սիրիայի դեպքում: Արևմուտքը շատ լուրջ է տրամադրված հայ-թուրքական սահմանները բացելու հարցում: Անպայման հաշվի է առնվելու Հայոց ցեղասպանության հանգամանքը»:

Նախորդիվ՝

Քեսաբահայ երիտասարդը սպանվել է. «Շփոթել են սիրիական բանակի զինվորի հետ»

Քեսաբահայ երիտասարդի մահվան մասին լուրերը դեռ չեն հաստատվել

Ֆիրդուս Զաքարյան. Եթե ցանկանան, կարող ենք ընդունել քեսաբահայերին, անպատրաստ չենք

Առանց տան, դպրոցի և անորոշության մեջ. Լաթաքիայում ապաստանած քեսաբահայերը

Պատմում են Թուրքիա գաղթած սիրիահայերը. Քեսաբում լսվում են մարդասպանների քրքիջները, «Ալլահ աքբար»-ները

ԵԽԽՎ-ում ընդունվեց Քեսաբի դեպքերը դատապարտող հայտարարությունը

Քեսաբում մնացած 38 քեսաբցիներից 20-ն ազատ է արձակվել

«Երկակի ստանդարտների և անպատժելիության հետևանք». Քեսաբի իրադարձությունները

Քեսաբից տարհանված ընտանիքը Հայաստանում է, բայց երազում է իր տուն վերադառնալու մասին

«Քեսաբում ռազմական գործողություններին զուգահեռ քարոզչական պատերազմն ավելի ընդգրկուն է»