Ձեր վստահելի աղբյուրը

Թուրքիայի ԱԳ նախարար Ահմեթ Դավութօղլուն հայտարարել է, որ Թուրքիան ուշադիր հետևում է Հայոց ցեղասպանության բանաձևի շուրջ տեղի ունեցող զարգացումներին և թույլ չի տալու, որ տեղի ունենա քաղաքական որևէ շահարկում: Այս մասին տեղեկացնում է «Todays Zaman»-ը:

Դավութօղլուն Մեխիկոյում հայտարարել է, որ բանաձևը որևէ բացասական ազդեցություն չի ունենա Անկարա-Վաշինգտոն հարաբերությունների վրա, սակայն ընդգծել է, որ Թուրքիան չի լռի, եթե բանաձևն ընդունվի Սենատի կողմից:

Դավութօղլուն պնդել է, ԱՄՆ պետքարտողար Ջոն Քերիին նրան տեղեկացրել է, որ բանաձևը հաջորդ փուլ չի անցնելու:

ԱՄՆ Կոնգրեսի ներկայացուցիչների պալատի նախագահ Ջոն Բեյներն անակնկալ այց է կատարել Թուրքիա՝ հանդիպելու Թուրքիա նախագահ Աբդուլահ Գյուլի, վարչապետ Էրդողանի, թուրքական Մեջլիսի նախագահ Ջեմիլ Չիչեքի հետ:

Բեյները նշել է, որ Թուրքիան պատճառ չունի անհանգստանալու, քանի որ պատմություն վերաշարադրելը ԱՄՆ Կոնգրեսի գործը չէ:

Չիչքեն էլ նշել է, որ պատմությունը պետք է թողնեն պատմաբաններին և, որ Թուրքիան պատրաստ է առերեսվել իրենց պատմության հետ։

Նշենք, որ ԱՄՆ Սենատի արտաքին հարաբերությունների հանձնաժողովը քառորդ դարի ընթացքում առաջին անգամ Հայոց ցեղասպանության մասին բանաձև էր ընդունել՝ կոչ անելով սենատին հիշատակել այս հանցագործությունը և նախագահին՝ ԱՄՆ-ի արտաքին քաղաքականությամբ աջակցել դեռևս չպատժված ցեղասպանության փաստի հաստատմանը:

Նախորդիվ՝

Ըստ «Daily Sabah»-ի գյուլենականները կապ ունեն Հայոց ցեղասպանության մասին բանաձևն ընդունելու հետ