Ձեր վստահելի աղբյուրը

Ազգային Ժողովի օրակարգը կթելադրի, թե ինչպիսին են լինելու ընդդիմադիր ՕԵԿ-ի քայլերն այսուհետ խորհրդարանում: Այս մասին Panorama.am-ին ասաց ՕԵԿ խմբակցության ղեկավար Հեղինե Բիշարյանը: Հարցին, թե ունեն կոնկրետ նախագիծ, որով պատրաստվում են հանդես գալ արդեն նոր կարգավիճակում Հ.Բիշարյանն ասաց, որ այս պահի դրությամբ իրենք կառաջնորդվեն ԱԺ օրակարգով:

«Ըստ օրակարգի հերթականության մենք կնայենք` օրենքի նախագծի հետ ունենք առարկություններ, թե ոչ և ըստ այդմ էլ կարտահայտվենք»,- նշեց նա:

Ինչ վերաբերում է ԱԺ ոչ իշխանական չորս ուժերի նախաձեռնությանը` «կուտակայինի» վերաբերյալ արտահերթ նիստ գումարել այս եռօրյա նիստերի ժամանակ և արդյոք ՕԵԿ-ի առաջին քայլը կլինի հենց այդ նախաձեռնությանն աջակցելը` միանալով ստորագրահավաքին, Հ.Բիշարյանն ասաց, որ ընդմիջման ընթացքում պատրաստվում են քննարկել հենց այդ հարցը:

Նշենք, որ «Ժառանգություն» խմբակցության ղեկավար Ռուբեն Հակոբյանը 20 րոպե ընդմիջում վերցրեց` արտահերթ նիստ գումարելու համար խմբակցությունների հետ քաղաքական կոնսուլտացիաներ անցկացնելու նպատակով:

Նախորդիվ`

ՕԵԿ-ն այսուհետ ընդդիմություն է