Ձեր վստահելի աղբյուրը

«Ադրբեջանն արգելում է իրանցի բանաստեղծ Նիզամի Գյանջավիի՝ Իրանը փառաբանող բանաստեղծությունների տարածումը»,-այդ մասին նշված է իրանական «ՖԱՐՍ» լրատվական գործակալության կայքում թողարկված հոդվածում:

Տեղեկատվության մեջ նշվում է, որ Բաքվում օրերս «Նիզամի Գյանջավի» միջազգային կենտրոնում տեղի է ունեցել կենտրոնի բյուջեի ավելացման, կանոնադրության բարեփոխման և Գյանջավիի գրական ժառանգության տարածման և քարոզչության ուղղությամբ տարվող աշխատանքներին առնչվող հարցերին: Սույն նիստին մասնակցել և ելույթով հանդես է եկել Իսրայելի նախկին վարչապետ Էհուդ Բարաքը, որը միևնույն ժամանակ հանդիսանում է «Նիզամի Գյանջավի» միջազգային կենտրոնի աջակիցներից մեկը:

Իրանական աղբյուրի տեղեկացմամբ՝ Լիտվայի, Բուլղարիայի, Ֆինլանդիայի նախկին նախագահները և այլ բարձրաստիճան պաշտոնյաներ ընդգրկրկված են վերոնշյալ կենտրոնի ղեկավար կազմում:

Հոդվածի հեղինակը, անդրադառնալով «Նիզամի Գյանջավի» միջազգային կենտրոնի գործունեությանը, հավելում է. «Այդ կենտրոնի հիմնական նպատակն իրանցի բանաստեղծ Նիզամի Գյանջավիին ադրբեջանցի ներկայացնելն է, այդ նպատակով Ադրբեջանը վերջին տարիներին արգելել է Գյանջավիի՝ Իրանը փառաբանող բանաստեղծությունների տարածումը, իսկ անցյալ տարի Ադրբեջանի իշխանությունները քանդեցին Ն.Գյանջավիի դամբարանի պատերին գրված պարսկերեն բանաստեղծությունները՝ դրանք փոխարինելով ադրբեջաներեն թարգմանությամբ»:

«Ինչպես հայտնի է, «Նիզամի Գյանջավի» միջազգային կենտրոնը փորձում է համաշխարհայնացնել Գյանջավիին, սակայն սույն կենտրոնի ղեկավար կազմում որևէ նիզամիագետ ընդգրկված չէ, նույնիսկ իրանցի մեծանուն գիտնականները չեն հրավիրվում այսպես կոչված գրական գործունեությամբ զբաղվող կենտրոնի կազմակերպած հավաքներին»,-հավելել է իրանական աղբյուրը:

Թեմայի առնչությամբ վերլուծություն՝

Իրանագետ. Ադրբեջանը «մշակութային պատերազմ» է հայտարարել Իրանին