Պարտադիր կուտակային չվճարելու դեպքում գործատուն պատասխանատվության չի ենթարկվի. Նախարար
Հունվարից մինչ այժմ ընկած ժամանակահատվածի համար պարտադիր կուտակային վճարները հաշվարկելու և փոխանցելու պարտավորություն ունեցողները ազատվում են պատասխանատվությունից: Այդ մասին այսօր «Կուտակային կենսաթոշակների մասին» օրենքում լրացումներ կատարելու մասին նախագծի քննարկման ժամանակ հայտարարեց աշխատանքի և սոցիալական հարցերի նախարար Արտեմ Ասատրյանը` պատասխանելով ԱԺ ՀԱԿ խմբակցության պատգամավոր Նիկոլ Փաշինյանի հարցին:
Վերջինը հետաքրքրվում էր, թե այս նախագծի ընդունումից հետո սոցապ նախարարության և ընդհանրապես տարբեր կառույցների աշխատակիցները պարտադիր մասհանումներն իրականացնե՞լու են, թե՞ ոչ:
«Սա հենց այն հիմնական մոտեցումն է, որ կառավարությունը հաշվի առնելով բոլոր կողմերի մոտեցումները, ընդառաջ քայլ է անում: Այս ժամանակահատվածը կծառայեցնենք ամբողջական խնդրի լուծումն ապահովող օրենսդրական փաթեթի մշակմանն ու ընդունմանը», -հավելեց նախարարը:
Փաշինյանը նաև հետաքրքրվեց, թե ինչ ճակատագիր է սպասվում հաշվետվություններին, քանի որ ճիշտ է, պաշտոնյաները հայտարարում են, թե պարտադիր բաղադրիչը չիրականացնելու համար իրավական հետևանքներ չեն լինի, բայց այսօր կան հաշվետվությունների ձևեր, որտեղ պարտադիր կուտակային բաղադրիչի հաշվարկն ըստ էության պարտադիր է:
«Եթե պարտադիրի հատվածը չի լրացվում էլեկտրոնային համակարգը առանց այդ բաղադրիչի չի ընդունում հաշվետվությունները: Չեն ընդունում նաև հարկային մարմինները և չներկայացնելու դեպքում, հարկայինը տուգանք է նշանակում գործատուի նկատմամբ: Հիմա այդ հաշվետվությունների կետը լրացնելը պարտադի՞ր է, թե՞ ոչ»:
Արտեմ Ասատրյանն ի պատասխան նկատեց, որ հաշվետվություն ներկայացնող գործատուն լրացնում է մեկ դաշտ` աշխատավարձի չափի դաշտը:
«Մնացած դաշտերը ինքնաշխատ եղանակով են լրացվում: Քանի որ կուտակային բաղադրիչի վերաբերյալ դաշտի լրացված չլինելը որևէ իրավական հետևանք չի առաջացնում, դա նշանակում է, որ բաց է մնում այդ հատվածը: Տեղեկատվությունը ամրագրվում է շտեմարանում` հետագայում համապատասխան վերահաշվարկ կատարելու համար», -շարունակեց Ասատրյանը:
Փաշինյանին սակայն, չգոհացրեց նախարարի պատասխանը և նա պնդեց. «Այսինքն աշխատողը կարող է դիմել իր գործատուին, ասել, որ չի ցանկանում մասնակցել պարտադիր կուտակային համակարգին ու պահումներ չանել»:
«Դա գործատուի և աշխատողի որոշելիքն է: Թե որ աշխատողը գործատուին ինչ հարցադրում կանի, ինչպես գործատուն կանի իր վարձու աշխատողի հետ, իրավական հետևանքներ չի առաջացնի», -արձագանքեց նախարարը:
Հարակից հրապարակումներ`
«Կառավարության առաջին քայլը». Խորհրդարանին ներկայացվեց «կուտակայինին» վերաբերող օրինագիծը (Տեսանյութ)
Լ.Զուրաբյանի մտավախությունը. Կընդունվի ինչ-որ օրենք, որը հետին թվով այդ փողերի բռնագանձումը կօրինականացնի
«Պարտադիրով» շուրջ 3 մլրդ դրամ արդեն փոխանցվել է. Ա.Ասատրյան
Լրահոս
Տեսանյութեր
Թշնամnւ հրահանգները մեր կյանք տեղափոխողները Հայաստանի թշնամիներն են. Բագրատ Սրբազան
