Երևանի Վ. Բրյուսովի անվան պետական համալսարանը լեզվաբանականից վերածվեց լեզվահասարակագիտականի

Կրթություն, գիտություն 11:27 30/04/2014

Երևանի Վ. Բրյուսովի անվան պետական համալսարանը լեզվաբանականից վերածվեց լեզվահասարակագիտականի

Երևանի Վ. Բրյուսովի անվան պետական լեզվաբանական համալսարանն այսուհետ կկոչվի «Երևանի Վ. Բրյուսովի անվան պետական լեզվահասարակագիտական համալսարան» պետական ոչ առևտրային կազմակերպություն: Այս մասին որոշումն ընդունվեց ՀՀ կառավարության այսօրվա նիստում:

Կառավարության հիմնավորման համաձայն` համալսարանի անվանափոխությունը նոր հեռանկարներ կարող է բացել բուհի հետագա զարգացման համար, միաժամանակ համալսարանի ձեռնարկատիրական գործունեության ընդլայնված ոլորտների միջոցով հնարավորություն կըձռնվի ապահովվել նոր և լրացուցիչ ֆինանսական մուտքեր:

«Կանոնադրության ընդունումը պայմանավորված է նախ և առաջ բուհի անվանման փոփոխությամբ: Բուհի անվանման փոփոխությունը պայմանավորված է նրա առջև դրված նոր խնդիրներով և նպատակներով: Համալսարանն այսօր մասնագետներ է պատրաստում ոչ միայն լեզվաբանական և մանկավարժական, այլ նաև հասարակագիտական ուղղություններով /քաղաքագիտություն, եվրոպագիտություն, միջազգային հարաբերություններ, տեղեկատվության և հանրային հաղորդակցության տեխնոլոգիաներ, միջազգային տուրիզմ, միջազգային լրագրություն և այլն/: Անվանումն ընտրելիս մեծապես հաշվի է առնվել նաև համալսարանում տարիների ընթացքում ձևավորված ավանդույթները և միջազգային փորձը»,- նշված է նախագծի հիմնավորման մեջ:

Ըստ դրա` անհրաժետություն է առաջացել նաև բուհում կատարել կառուցվածքային փոփոխություններ, ստեղծել նոր կառուցվածքային միավորներ /վարչություններ, գիտաուսումնական կենտրոններ և այլն/:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: