Համբարյան. ԵԱՀԿ օրակարգի առաջնային հարցերից պետք է լինի խաղաղ բանակցություններին ԼՂ ամբողջական մասնակցությանը
Ամերիկայի Հայ դատի հանձնախմբի գործադիր տնօրեն Արամ Համբարյանն արձագանքել է ԵԱՀԿ Մինսկի խմբի ամերիկացի համանախագահ Ջեյմս Ուորլիքի` ԼՂ հակամարտության կարգավորման հնարավոր ուղիների մասին արած հայտարարությանը: Այս մասին տեղեկացնում է Ամերիկայի Հայ Դատի գրասենյակի պաշտոնական կայքը:
«Չնայած նրան, որ մենք ողջունում ենք հիմքային մակարդակում կարգավիճակի վերաբերյալ նորացված ուշադրությունը, այս ծրագիրը չի համապատասխանում ժողովրդավարական ինքնորոշման ամերիկյան իդեալին. հարատև սկզբունք, որի վրա հիմնված է մեր երկիրը և որի վրա վերջին կես դարում ստեղծվել են ավելի քան հարյուր պետություններ։
Օգտագործելով խորապես սադրող և ակնհայտորեն ոչ ճիշտ «օկուպացիա» տերմինը` առաջարկված ծրագիրը կրկին կոչ է անում Լեռնային Ղարաբաղին և Հայաստանին` Բաքվի ագրեսիայի պատերազմի զոհերին, ռազմավարական անվտանգության զիջումների գնալ` ի պատասխան Ադրբեջանի՝ խիստ ռազմատենչ հեշտությամբ շրջելի խոստումներին:
Այնուհանդերձ, մենք հույս ենք հայտնում, որ ԵԱՀԿ միջնորդության գործունեության վերջնական արդյունքում խաղաղություն կհաստատվի, թեև հիասթափված ենք տվյալ առաջարկում ներկայացված կարգավիճակի և անվտանգության անհամաչափությամբ և անհամբեր սպասում ենք, որ կլինի համապարփակ և ժողովրդավարական հիմք` անկախ Լեռնային Ղարաբաղի Հանրապետության ապագայի հարցում:
ԵԱՀԿ օրակարգի առաջնային հարցերից պետք է լինի, իհարկե, Բաքվի արգելքի հարցը` Լեռնային Ղարաբաղի ամբողջական և անմիջական մասնակցությանը խաղաղ բանակցություններին»,-նշված է Համբարյանի հայտարարության մեջ:
Լեռնային Ղարաբաղի հակամարտությանը ռազմական փուլը ծագել է 1991թ., երբ ի պատասխան ԼՂ բնակչության ինքնորոշման պահանջի, ադրբեջանական իշխանությունները փորձեցին հարցը լուծել` խորհրդային անվտանգության ուժերի (ԿԳԲ-ի հատուկ ջոկատներ) կողմից անձնագրային ռեժիմի իրականացման քողի տակ էթնիկ զտումներ իրականացնելով եւ լայնածավալ ռազմական գործողություններ սկսելու ճանապարհով, որը բերեց հազարավոր զոհերի եւ զգալի նյութական կորուստների: 1994թ. կնքվեց զինադադար: Ներկայումս հիմնախնդրի կարգավորման շուրջ բանակցությունները ընթանում են ԵԱՀԿ Մինսկի խմբի համանախագահների (Ռուսաստան, ԱՄՆ, Ֆրանսիա) միջնորդությամբ`2007 թ. նոյմբերին վերջիններիս կողմից ներկայացված մադրիդյան առաջարկությունների հիման վրա:
Ադրբեջանը մինչ այսօր չի կատարում ՄԱԿ-ի Անվտանգության խորհրդի 1993 թ. 4 բանաձեւերը` շարունակելով տարածաշրջանում սպառազինությունների մրցավազքի հրահրումը եւ կոպտորեն խախտելով միջազգային իրավունքի ուժի եւ ուժի սպառնալիքի չկիրառման սկզբունքը:
Նախորդիվ՝
ԱՄՆ պետքարտուղարություն. Ջեյմս Ուորլիքը վերահաստատել է ԱՄՆ դիրքորոշումը ԼՂ հարցում
Ջ. Ուորլիքը Լեռնային Ղարաբաղի հակամարտության կարգավորման հնարավոր ուղիների մասին
ԼՂՀ-ն պետք է լինի բանակցային սեղանի շուրջ. Եվրախորհրդարանի անդամ
Կալիֆորնիայի խորհրդարանի Կանոնադրական հանձնաժողովը ընդունել է ԼՂ անկախության ճանաչման օրինագիծը
Լրահոս
Տեսանյութեր
Պիպոյանը՝ Պապոյանին. Մեզ համար պարենային անվտանգությո՞ւնն ու ազգային անվտանգությո՞ւնն են կարևոր, թե՞ ինքնարժեքը
